Eth sindic d’Aran s’amasse damb es alcaldes e diuèrses entitats dera Val d’Aran entà coordinar es accions enes carretères araneses pendent er iuèrn

viabilitat

Eth Conselh Generau d’Aran a acuelhut es comissions de viabilitat dera N-230 e era C-28 a on an assistit eth sindic d’Aran, Carlos Barrera, es alcaldes des municipis de Naut Aran, Vielha e Mijaran, Bossòst, Les e representantes des còssi de seguretat e emergéncia des Mossos d’Esquadra e Pompièrs d’Aran, atau coma dera estacion d’esquí de Baqueira Beret e deth Ministèri de Foment.

Aguestes comissions se realizen cada an abans dera sason d’iuèrn entà per’mor de coordinar es accions en aguestes carretères.

“Era Val d’Aran a de convíuer damb eth sector deth transpòrt, era N-230 ath sòn pas per Aran la transiten ua mieja de 400 camions diaris, mès açò non a d’èster un obstacle entà èster mès efectius e operatius ara ora de dar solucion as possibles afectacions coma conseqüéncia des nheuades e era sua incidéncia ena mobilitat interior dera Val d’Aran” a manifestat Barrera.

Comments are closed.