Eth vicesindic d’Aran Luís Carlos Medina ena presentacion dera World Cup Skimo 2017

març 17, 2017 Govèrn

Vielha, 16 de març de 2017.- Eth vicesindic d’Aran, Luís Carlos Medina, a participat aguest meddia ena sedença deth Centre Excursionista de Catalonha, ena presentacion dera World Cup Skimo que se disputarà es dies 8 e 9 d’abriu en Val d’Aran.

file1

Era Copa deth Mon d’Esquí de Montanha, compdarà entre d’auti damb era participacion de Kilian Jornet.

Pendent era presentacion, eth vicesindic d’Aran, a destacat era implicacion deth Conselh Generau d’Aran coma collaborador principau d’aguesta pròva dera Copa deth Mon e era importància qu’a entath Govèrn d’Aran er includiment dera Val en calendari dera ISMF World Cup 2017, que represente un pas mès entà convertir era Val d’Aran en destinacion de referéncia des espòrts de montanha de naut nivèu internacionau.

Medina, profitèc tanben entà arregraïr era labor que desvolòpen es organizadors der eveniment, eth Club Excursionista dera Val d’Aran, Centre Excursionista de Catalonha e toti es volontaris.

Era Val d’Aran acuelherà aguesta pròva dera Copa deth Mon d’Esquí de Montanha es dies 8 e 9 d’abriu de 2017. Eth nòm oficiau dera carrèra ei Val d’Aran 2017 ISMF World Cup, e era sedença dera organizacion serà es poblacions de Vielha e Naut Aran.

Es melhors esquiaires de montanha deth mon, damb er actuau guanhador dera copa, eth catalan Kilian Jornet, se trobaràn ena Val d’Aran, ath que s’ahigeràn nòms coma es des italians Michele Boscacci, Roberto Antonioli, er alemand Anton Pälzer, eth francés William Bon Mardion, o es catalans Oriol Cardona e Marc Pinsach, en categoria masculina.

Ena categoria femenina ath delà des catalanes Claudia Galícia, Marta Garcia, Laura Orgué e Mireia Miró, destaque er actuau nº1 deth mon, era francesa Laetitia Roux, era tanben francesa Axelle Mollaret e era italiana Katia Tomatis.

file

Foto: @valdaranskimo

Comments are closed.