Vielha, 29 de març de 2017.- Eth darrèr dimenge 26 de març se disputèc en Stadium de Beret, era Finau Nacionau d’Esquí Aupin des Jòcs Esportius Escolars de Catalonha, en tot coïncidir damb era fin dera sason dera XXXV Campanha d’Esquí deth Conselh Generau d’Aran a trauès deth Conselh Esportiu, qu’enguan a compdat damb era participacion de pròp de 100 mainatges e mainades dera Val d’Aran.

Mès de 250 joeni esquiaires de totes es categories, des de benjamins enquia juvenils, procedentes de desparières comarques catalanes, disputèren era finau organizada peth Conselh Esportiu dera Val d’Aran damb era collaboracion des Conselhs Esportius de Catalonha, era Secretaria Generau der Espòrt dera Generalitat de Catalonha e era estacion d’esquí de Baqueira-Beret.

Eth vicesindic d’Aran e conselhèr d’Espòrts e joenessa deth Govèrn d’Aran, Luis Carlos Medina, arregraïc pendent eth liurament de prèmis era collaboracion des entitats e administracions ena organizacion dera competicion, e animèc a toti es joeni esportistes a seguir en tot formar-se enes valors der esquí.

Classificacion CORSA CONSELH ESPORTIU DERA VAL D’ARAN

https://www.conselharan.org/wp-content/uploads/2017/03/Clasificacion-Conselh-Esportiu-Vall-Daran.pdf