Era passada dimenjada debanèc era XVIII Corsa des 15 pòbles damb 560 participants, lèu 200 mès qu’ena edicion anteriora
Es aranesi, Montse Bacardit e José Ramón Rodríguez s’aucèren damb era prumèra e dusau posicion respectivaments
Pòdis aranesi en Trofèu Roland Giné de Samuel Beso, Bryan Peña, María Iglesias e Jara Beso
Un an mès, era Corsa des 15 pòbles siguec un gran eveniment entàs amants der espòrt, damb 560 participants, en tot superar es expectatives des sòns organizadors, es Volentaris d’Aran.
Damb tres opcions de recorregut: 21km, 15km, e 5km. Era carrèra entà adults includic ua mieja maraton de montanha damb 1.300 mètres de pujada e 1.200 mètres de baishada.
Es Volentaris d’Aran, se mostrèren fòrça satisfèts damb era participacion, pr’amor qu’ei era edicion que mès participants a agut.
CORSA 21Km. HOMES:
– 1º Jordi Garcia- AC77-DYNADAX (1:47:54)
– 2º Jose Ramón Rodríguez- ARAN NÒRDIC ESQUÍ CLUB (1:51:40)
– 3º Alberto Sánchez- CAEM (1:51:57)
CORSA 21Km. HÈMNES:
– 1ª Montse Bacardit- CENTRE EXCTA. ARAN (2:12:24)
– 2ª Silvia Puigarnau- CENTRE EXCTA. GUISSONENC (2:14:21)
– 3ª Núria Ribalta- A. A. XAFATOLLS (2:15:56)
CORSA TROFEU ROLAND GINÉ 5km. (Corsa juvenila)
– 1º Samuel Beso (0:21:50)
– 2º Bryan Peña (0:22:13)
– 3º Miquel Solé (0:24:48)
– 1ª Maria Iglesias (0:24:54)
– 2ª Jara Beso (0:28:33)
– 3ª Paula Niubó (0:28:42)
“Era Corsa des 15 pòbles ei fòrça important pr’amor que poténcie eth senderisme ena Val d’Aran, e permet gaudir d’ua rota de trekking combinada damb era visita per diferenti pòbles d’Aran e, a causa dera sua anautita participacion, hè ua difusion dera Val d’Aran collaborant ena desestacionalizacion deth torisme” a manifestat Anna Díaz, conselhèra de Torisme, Comèrç e Consum d’Aran. Era conselhèra a felicitat as Volentaris d’Aran pera organizacion dera Corsa qu’un an mès a estat un èxit.
Mès informacion: