Vielha 7 de hereuèr de 2016.- Imanol Rojo s’a proclamat Campion d’Euròpa d’Esquí de Hons ena pròva de longa distància de 42km estil classic dera Marxa Beret 2016, damb un temps de 2’25 ores que s’a celebrat aué en Baqueira Beret.

Rojo, dera equipa d’Esquí de hons dera RFEDI, que residís e entrene ena Val d’Aran, ja guanhèc ager era pròva de 30km skating, çò que li autrege eth Campionat d’Euròpa de Maratons d’Esquí includit en calendari dera Federacion Internacionau d’Esquí (FIS) deth calendari Euroloppet (circuit europèu de marches de longa distància), per auer artenhut eth totau des dus melhors tempsi des dues pròves de longa distància, era pròva de 30km e era de 42km.
1.200 hondistes, 40% que procedenti des païsi nordics, Alemanha, Àustria, Olanda o Itàlia, an participat aué ena 37au edicion dera Marxa Beret, celebrada damb era nhèu queiguda aguesta maitiada ena Val d’Aran e qu’a acompanhat as hondistes pendent tota era competicion.

Era Marxa Beret, era pròva degana der esquí de hons en Espanha, l’organize eth Conselh Generau d’Aran, Baqueira Beret e er Ajuntament de Naut Aran damb era collaboracion dera Associacion de Volentaris Val d’Aran , ath delà dera Reau Federacion Espanhòla d’Espòrts d’Iuèrn (RFEDI) e era Federacion Catalana d’Espòrts d’Iuèrn.

Eth liurament de trofèus as guanhadors e guanhadores a anat a cargue de Gerard Figueras, secretari generau der espòrt dera Generalitat de Catalonha; Luís Carlos Medina, vicesindic d’Aran e director dera Marxa Beret; Aureli Bisbe, president de Baqueira Beret; Cesar Ruíz Canela, baile de Naut Aran e Hannus Tikkannen, representant deth circuit Euroloppet.

 

Resultats dera Marxa Beret en dia d’aué 7 de hereuèr de 2016.

 

Marxa Beret 10Km – Clasificacion Femenina.

 

– 1-  María Iglesias Bares.

– 2 – Maria Selles.

– 3 – Alba Puigdefabregues.

 

Marxa Beret 10km – Clasificacion Masculina.

 

– 1 – Gral Selles.

– 2 – Francisco Colell.

– 3 – Jaume Pueyo.

 

Marxa Beret 21Km – Clasificacion Femenina.

 

– 1 – Marta Cester.

– 2 – Maialen López.

– 3 – Berta Pérez.

 

Marxa Beret 21Km – Clasificacion Masculina.

 

– 1 – Pol Vidal.

– 2 – Oscar Jorba.

– 3 – Sergi Brau.

 

Marxa Beret 42km – Clasificacion Femenina.

 

– 1-  Marielle Bigot.

– 2 – Beatríz Blanes.

– 3 – Martini Carmona.

– 4 – Tatiana Larionov. (Campeona de Europa del circuito Euroloppet).

– 5 – Cynthia Martínez.

 

Marxa Beret 42km – Clasificacion Masculina.

 

1- Imanol Rojo.

2- Diego Ruíz.

3- Rubén Caseny.

4- Carlos Lannes.

5- Ioseba Rojo.