Conselh Generau d'Aran

Destacados

Eth Conselh Generau adequarà es airaus de montanha entà mielhorar es accèssi e difóner eth patrimòni naturau

Dijaus, 09 de Seteme de 2010

Eth Govèrn deth Conselh Generau d’Aran a previst adequar es airaus naturaus de montanha mès emblematics dera Val d’Aran damb era finalitat de mielhorar es sòns accèssi entà visitar-les atau coma entà ajudar a difóner eth patrimòni naturau deth país, segontes a anonciat eth conselhèr de Torisme, Comèrç e Transpòrt, Juan Antonio Serrano. Entad aguesta actuacion, eth Conselh Generau a projectat ua inversion de 550.000 èuros.

Aran comence es classes damb un plan pilòt en primària entà substituir es libres per ordinadors

Dimars, 07 de Seteme de 2010

Eth Conselh Generau apòrte ua subvencion entà aquerir es portàtils

Mès de 1.000 alumnes de Primària e Segondària an començat aué es classes ena Val d’Aran, pionèra enguan ena substitucion de libres per ordinadors en 5au e 6au de Primària, ath delà des corsi de Segondària, coma succedís ena rèsta de Catalonha. Atau se despren deth Plan pilòt d’educacion qu’era Generalitat de Catalunya e eth Conselh Generau d’Aran an metut en marcha entà iniciar eth procès de digitalizacion des contenguts educatius, especiaument des aufertadi en aranés.

Eth Plen convalide era reduccion salariau e da lum vèrda ath Conselh Economic e Sociau

Dimars, 07 de Seteme de 2010

Eth Plen deth Conselh Generau d’Aran a aprovat aué era convalidacion des mesures entà hèr front ath deficit public, en aplicacion deth RD-Lei 8/2010, de 20 de mai. D’aguesta forma, eth Conselh hèr efectives es mesures que se deriven des decrèts aprovats peth Govèrn centrau e era Generalitat entara reduccion salariau ena maxima institucion aranesa, Torisme Val d’Aran e eth Servici Aranés deth Benèster e era Salut.

Eth Conselh d’Administracion dera naua entitat d’emergéncies s’amasse per prumèr viatge

Diuendres, 03 de Seteme de 2010

Era naua entitat de Pompièrs e Emergéncies dera Val d’Aran comence a caminar. Per prumèr viatge, s’a amassat eth Conselh d’Administracion deth nau organisme prebotjat peth Govèrn aranés entà gestionar es servicis de prevencion, escandiment de huecs, transpòrt sanitari e de sauvament e rescat, atau coma tot eth personau de pompièrs deth Conselh, es pompièrs volentaris e es professionaus de Transpòrt Sanitari dera Val d’Aran (TESVA).

Más...

<< Inicio < Anterior 1 2 3 4 5 6 7 8 9 10 Siguiente > Final >>

Resultados 1 - 7 de 557

Áreas

Anoncis

Edictes

PROÒM DERA VAL D'ARAN

Servicios

Últimos eventos

Calendario

Formulario de Acceso

Sindicación

Destacados

Eth Conselh Generau apòrte ua subvencion entà aquerir es portàtils