. En nuclèu de Montcorbau (Vielha), qu'a demorat isolat peth laueg, ja s’a pogut daurir un pas entàs persones mès non entà veïculs

 

 

Proteccion Civiu dera Generalitat (DGPC) manten era fasa d’alèrta deth Plan especiau d’Emergéncies per lauegi en Catalunya ALLAUCAT, a causa d’un laueg que i a agut aguest maitin ena carretèra LV-5052 d’accès en nuclèu de Montcorbau (Vielha e Mijaran). Coma conseqüéncia deth laueg d’aguest maitin, eth nuclèu de Montcorbau a demorat isolat e ei previst qu'es trabalhs de limpiesa dera carretèra se mantenguen ath long deth dia. A ores d’ara encara non s’a pogut daurir ath transit era carretèra e contunhen es prètzhèts de retirada dera nhèu, mès ja s’a daurit un pas entàs persones.

Ua dotacion des Pòmpiers d’Aran a estat en tot revisar aguesta tarde era zòna afectada peth laueg, e an escartat que i age cap perilh addicionau.

 

D’un aute costat, er Institut Geologic de Catalunya a emetut un avís de perilh de lauegi entà deman dimèrcles dia 6, damb un grad de perilh de lauegi en tot aumentar en FORT (4) ara mietat sud d’Aran e Franja Nòrd dera Pallaresa.