Cossent damb çò qu’establís er article 42 dera Lei 30/2007, de 30 d’octobre, de Contractes deth Sector Public, e damb era finalitat d’assegurar era transparéncia e er accès public ara informacion relativa ara activitat contractuau deth Conselh Generau d’Aran, e sense damnatge dera utilizacion d’auti mieis de publicitat enes cassi exigidi pera Lei nomentada o pes normes autonomiques de desvolopament o quan atau se decidisque volentàriament, s’expause ara seguida era documentacion referenta as expedients de contractacion de toti es organs de contractacion d’aguesta corporacion.

A trauèrs d’aguesta plana, se poirà consultar es contractacions programades, es anoncis de licitacion, es anoncis d’adjudicacion provisionau e definitiva, atau coma accedir as Plecs de clausules e d’auta documentacion complementària des expedients de contractacion nomentadi.

Era informacion administrativa facilitada a trauèrs d’aguesta plana non substituís eth besonh de publicar formauments es tèxtes -quan açò sigue de besonh- en Taulèr d’anoncis dera corporacion, en Botletin Oficiau dera Província (BOP), en Diari Oficiau dera Generalitat de Catalunya (DOGC), en Botletin Oficiau der Estat (BOE), en Diari Oficiau dera Union Europèa (DOUE) o en d’autes publicacions oficiaus, que son er unic esturment legau valid.

• Normativa
• Expedients
  
  • Òbres
  • Servicis
  • Subministraments
  • D’auti