Qué ei eth Plan director urbanistic?

• Eth Plan director urbanistic ei era aplicacion concrèta ena Val d’Aran deth Plan territoriau de Naut Pirenèu e Aran aprovat en 2006 peth Departament de Politica Territoriau e Òbres Publiques damb er acòrd des Ajuntaments dera Val d’Aran e eth Conselh Generau d’Aran.
• Eth Plan director urbanistic ei un esturment impulsat pera Direccion Generau d’Urbanisme dera Generalitat damb era participacion des administracions locaus entà articular un territòri intelligent, basat en un desvolopament equitatiu, un creishement ordenat, economicament eficient, ambientaument sostenible e sociaument just.
• Eth Plan director urbanistic non substituís es Normes Subsidiàries dera Val d’Aran ne modifique eth solèr urban, senon qu’impulse estratègies territoriaus e quantifique es creishements establidi dejà en Plan territoriau damb era concertacion des Ajuntaments, que, amassa damb era Generalitat, son es administracions qu’ostenten competéncies en matèria urbanistica.

Quines foncions desvolope eth Plan?

• Precise es limits des espacis naturaus protegidi peth Plan territoriau.
• Identifique es elements naturaus e patrimoniaus arquitectonics e paisatgistics d’Aran.
• Identifique e delimite es marges des arrius.
• Establís critèris entà desvolopar es estratègies de desvolopament urbanistic per part deth planejament municipau.
• Place dus naui airaus d’activitat economica en Les/Bossòst e Arties.
• Prevé es infraestructures de mobilitat de besonh entà potenciar era accessibilitat e era connexion d’Aran damb es territòris vesins.

Quin tràmit seguís?

• Eth projècte deth Plan director urbanistic s’a sometut a diuèrses amassades participatives damb es Ajuntaments dera Val d’Aran pendent eth mes d’abriu de 2009.
• Era Comission Territoriau d’Urbanisme aprovèc de forma iniciau eth Plan director urbanistic eth 31 de junhsèga de 2009.
• Eth Plan director urbanistic ei ara en periòde d’exposicion publica entà hèr a arribar es allegacions oportunes enquiath dia 10 de deseme e se pòt consultar enes Ajuntaments dera Val d’Aran, en Conselh Generau d’Aran e en portau web deth Departament de PTOP dera Generalitat.
• Mentretant, eth Plan director se seguís avalorant pera Direccion Generau d’Urbanisme amassa damb es Ajuntaments dera Val d’Aran e damb es sectors sociaus e economics afectadi enes respectives amassades qu’an lòc pendent aguest periòde d’exposicion publica.

Eth Plan