Eth sindic Francés Boya inaugure era mòstra ‘Renaishença’ ena glèisa de Sant Joan d’Arties

Era artista Pepa Poch expòse ua mòstra d’òlis sus teishut de lin, diboishi e gravadures jos eth títol Renaishença, qu’acuelh era glèisa de Sant Joan d’Arties deth 19 de deseme ath 26 de gèr. Eth sindic d’Aran, Francés Boya, inaugurèc, eth passat diuendres, era exposicion qu’organize Musèus dera Val d’Aran deth Conselh Generau d’Aran damb era collaboracion deth Reiau Cercle Artistic de Barcelona e era artista aranesa Maria José Bentz.
 

Pepa Poch, integranta dera Autoritat Internacionau deth Color, ei ua pintora catalana qu’a exposat en païsi coma França, Grècia o es Estats Units, ath delà d’exposar tot soent en Catalonha e en Estat. Eth pròplèu trabalh, ua mòstra de teishuts tath larèr, lo darà a conéisher en París.

Era exposicion que presente en Aran conten ua “extraordinària metamorfòsi de significats e motius floreishents, d’ua portentosa sensibilitat creativa ath madeish temps que possedidora d’ua qualitat estetica fascinanta”, en paraules deth critic d’art e president deth Reiau Club Artistic de Barcelona, Josep Fèlix Bentz.

www.pepapoch.com