AJUDES DE MINJADOR PER RASONS SOCIOECONOMIQUES A ESCOLANS/ES D’ENSENHAMENT OBLIGATÒRI ESCOLARIZATS EN CENTRES PUBLICS DERA VAL D’ARAN - CORS 2010/2011.

Er objècte d’aguestes ajudes economiques individuaus de minjador entàs escolans en edat d’escolarizacion des familhes dera Val d’Aran, ei subvencionar as escolans qu’agen dificultats sociaus e economiques entà que poguen gaudir d’ua ajuda que les permete hèr usatge deth servici de minjador deth sòn centre escolar.

Era ajuda individuau l’a de sollicitar era familha mejançant eth modèl establit as efèctes (ANNEX 1 des bases) e er autrejament se determine en foncion des règles deth barèm qu’establissen aguestes bases eth quau a en compde era situacion sociau e/o economica dera familha sollicitaira.

Pòden èster beneficiaris es escolans qu’estudien educacion infantila e ensenhaments obligatòris enes centres d’ensenhament publics ordinaris deth Departament d’Educacion ena Val d’Aran. Es beneficiaris an de complir es requisits següents:

a. Residir e èster empadronat ena Val d’Aran.
b. Non gaudir d’ajudes o subvencions en concèpte de minjador escolar, autrejades peth Conselh Generau d'Aran, per d’autes administracions publiques o entitats publiques o privades.
c. Auer presentat enes tèrmes establidi, era sollicitud e era documentacion sollicitada.
d. Obtier era puntuacion minima fixada en punt 11 d’aguestes bases que hèn referéncia ara situacion sociau e economica dera familha.

Non se poderàn acuélher ad aguesta convocatòria es escolans qu’an dret ath servici de minjador de caractèr preceptiu e gratuït pes motius que se regulen en Decrèt 160/1996, de 14 de mai, a on se regule eth servici escolar de minjador des centres escolars publics de titularitat deth Departament d’Educacion (escolans d’educacion especiau desplaçadi obligatòriament deth sòn municipi de residéncia e escolans d’educacion infantila, primària e/o segondaria obligatòris precèptes de transpòrt obligatòri).

Eth tèrme de presentacion des sollicituds corresponentes ath cors escolar 2010/2011 serà des dera publicacion d’aguestes bases en BOP de Lleida e ena pagina web deth Conselh Generau d'Aran enquiath 15 de junhsèga de 2010.

Es sollicituds e era rèsta de documentacion requerida, se presentarà en Registre des Servicis Sociaus deth Conselh Generau d'Aran o pes mieis qu’establís er article 38.4 dera Lei 30/1992, de 26 de noveme, de Regim Juridic des Administracions Publiques e deth Procediment Administratiu Comun laguens deth tèrme establit ena basa 10.1.

Bases menjador escolar

Bases específiques Menjador escolar (.pdf)