• “Les&Fun” ei ua hèsta diürna que barrege òci, cultura e gastronomia, ua cita damb diferenti grops musicaus en quate scenaris e oraris diferenti distribuïdi peth pòble de Les.

• Enguan estreen “Petit Les&Fun” activitats infantiles, atau coma diferenti talhèrs, palhassi, pinta cares entà que mainatges e adults poguen gaudir d’aguesta idèa tan originau.

Era tresau edicion deth hestivau “Les&Fun” torne aguest dissabte, 22 d’agost, en pòble de Les damb eth sòn ja coneishut format de romeria musicau ath long dera vila pes sòns scenaris mitiqui e establiments pendent tot eth dia enquia plan entrada era net.

“Les&Fun” ei ua hèsta diürna que barrege òci, cultura e gastronomia en un ambient saludable e un entorn naturau. Eth concèpte de romeria musicau ei ua cita damb diuèrsi grops musicaus en quate scenaris e oraris diferenti distribuïdi peth pòble entà gaudir d’aguesti paratges. Es grops actuaràn d’un en un damb çò qu’eth public cambiarà de lòc. Ara fin deth dia, era hèsta aurà durat entre 10 e 12 ores.

Cada scenari serà en un lòc diferent, a on collaboraran locaus deth pòble en tot proporcionar minjar e begudes. Cau arrebrembar que “Les&Fun” ei eth prumèr eveniment d’aguestes caracteristiques que se celèbre ena Val d’Aran e atrè a public dera rèsta dera val e de França.

Enguan estreen “Petit Les&Fun” activitats infantiles, atau coma diferenti talhèrs, palhassi, pinta cares entà que mainatges e adults pogam gaudir d’aguesta idèa tan originau.

Mès informacion: https://www.facebook.com/lesandfun

“Les&Fun” compde damb era collaboracion deth Conselh Generau d’Aran e de Foment Torisme Val d’Aran.