Vielha, 6 d’octobre de 2017.- Les ei era prumèra poblacion dera Val d’Aran que celèbre aué 6 d’octobre era sua Hèira deth Bestiar.

Era Hèira a començat lèu peth maitin damb era arribada deth bestiar ath recinte firau, damb era tradicionau hèira de shivaus, poneys, somèrs, mules e oelhes, e a contunhat damb er esdejoar popular. Cau destacar era assisténcia de nombrós public interessat enes productes gastronomics e artesanaus que tanben aufrís era hèira.

Deman ei eth torn dera Hèira de Salardú, damb era celebracion deth XIV Concors Morfologic Comarcau deth “Shivau Pirenenc Catalan” e eth pròplèu dimenge 8 d’octobre arribe era hèira de Vielha qu’includís eth XXXIau Concors de Bestiar, damb er esdejoar popular entàs 10:00 ores e eth liurament de prèmis entàs agricultors e pagesi participaires entàs 12:00 ores.