Era passada dimenjada se disputèc eth 14au Gran Prèmi Cerdanya ena categoria U14. Era competicion consistic en dues pròves, un GS eth dissabte e un SL eth dimenge damb ua nauta participacion de 98 corredores e 104 corredors.

Eth dissabte siguec assolelhat damb temperatures d’iuèrn perfèctes entà disputar-se era prumèra competicion. Se poderen veir polides baishades des participants. Eth nòste corredor Lluc de Castellarnau se hèc damb era 3au posicion dera generau. Soslinhar tanben eth bon papèr de tres corredors de prumèr an qu’en tot partir damb un dorsau fòrça naut realizèren fòrça bones baishades. Marc Ubeira, finalizèc ena 10au posicion e Ares Figueruelo e Paz Vidaor realizèren ua magnifica dusau manja.

Eth dimenge se disputaue er SL en ua pista idonèa entà córrer. Coma eth dissabte se vederen baishades enes quaus es corredors anèren ath limit. Eth nòste melhor corredor siguec aute viatge Lluc de Castellarnau en tot hèr-se damb era dusau posicion dera generau. Lluc realizèc ua polida dusau manja, e Marc Ubeira, qu’ena prumèra manja auie demorat ena 8au posicion non podec acabar ena dusau per un error a fòrça pòques pòrtes deth fin.

En gojates soslinhar era 11au posicion generau de Gabriela Zoido e eth 8au temps dera dusau manja d’Ares Figueruelo qu’ei corredora de 1èr an.

Damb aguesti resultats ena prumèra competicion dera Liga Catalana es corredors U14 Lluc de Castellarnau e Marc Ubeira son classificadi tara I Fasa de Copa Espanha que se disputarà en Sierra Nevada deth 24 ath 27 de gèr.

Des deth club les felicitam e desiram que gaudisquen des competicions.

Pera sua part era equipa FIS (U18/21) deth CAEI participèc en diuèrses carrères dera sua categoria en FONT ROMEU.

Detalham es resultats:

• 11.01.2019 SL Resultat destacat Jon Martinez 2au CIT (6au globau) en tot hèr eth sòn melhor resultats enquià aué 67.13 pts FIS, Ari España artenh 145 pts FIS er eth sòn prumèr Eslalom.

• 12.01.2019 SL Guanhadora Ana Vidaor CAEI (Tecnificacion Catalana) 68.45 pts FIS eth sòn melhor resultat enquià aué, tanben destacat Jon Martinez 3au CIT (7au globau) en tot hèr eth sòn 2au melhor resultat en SL 71.53 pts FIS.

• 13.01.2019 GS Ana Vidaor 4au globau 80.59pts FIS eth sòn melhor resultat enquià aué, Peir Cónsul 113.95pts FIS 2au melhor resultat enquià aué e Tomas Marcet 128.77 pts FIS en sòn prumèr Gigant.

Mès informacion: http://www.caei.es/

Vielha, 16 de gèr de 2019

Conselh Generau d’Aran: Núria Sanjuan

Informacion e fotos: CAEI