Era dimenjada passada, 7 e 8 d’abriu, se celebrèc en pabalhon esportiu municipau “La granja” de Saragossa eth 38au Campionat Nacionau de Karate: “KYOKUSHIN WORLD FEDERATION ESPAÑA” er eveniment annau de categoria nacionau, que compdèc damb eth supòrt de Saragossa Espòrt der Ajuntament deth cap-lòc e participèren mès de 400 karatekes de clubs d’Espanha, França e Costa Rica.

Karate Aran participèc damb dus competidors: Irene del Cueto Díaz, ena categoria Alevin Femenin e a Beltrán Bascones Sánchez, ena categoria Infantila Masculin.

Es karatekes aranesi artenheren es següents resultats:

– Irene del Cueto: Campiona Nacionau enes categories de Kumite e Katas.

– Beltrán Bascones: 4au Classificat ena categoria de Katas.

Eth Shihan, Angel Mateo, deth Karate Aran e professor dera Escòla de Karate deth Palai de Gèu de Vielha a manifestat: “Damb ua participacion minima de competidors ei un gran resultat entath nòste Club. Felicitacions as dus!”

Vielha, 10 d’abril de 2018

Conselh Generau d’Aran: Núria Sanjuan

Hònt e fotos: Karate Aran