Dissabte passat, 11 de març, s’amièc a tèrme era darrèra pròva deth circuit d’ElDorado ena estacion de Boí Taull e es membres deth Programa de Tecnificacion deth Conselh Generau d’Aran artenheren magnifics resultats.

Es aranesi Abel Moga Carracedo, qu’anaue coma Current Leader, demorèc prumèr damb ua linha fòrça limpia e Pòl Tellosa Badía que realizèc tanben ua impecabla linha demorèc era dusau posicion.

Axel Joaniquet demorèc en ueitau lòc maugrat hèr ua bona baishada, mès eth nivèu en aguesta escadença siguec fòrça exigent.

Es membres d’Emotion, Jordi Riba e Julián Puras, demorèren quatau e setau lòc respectivaments.

Toti èren eufòrics, riders e entrenador d’Emotion, Cristian Boiria, pr’amor qu’açò signifique er aunor d’auer entre es sues files ath prumèr Campion deth Circuit des Pirenèus atau coma eth tresau lòc, Abel Moga e Pòl Tellosa respectivaments e Axel Joaniquet eth quatau lòc.

Mès informacion: www.escuelaemotion.com

Vielha, 17 de març de 2017

Conselh generau d’Aran: Núria Sanjuan

Hònt: CETEI Val d’Aran