Vielha, 2 de hereuèr de 2019.- Era hondista aranesa Marta Cester (CAEI – Federacion Catalana) e Xabier Macias (UHRTE – Federacion Navarra) s’an proclamat campions d’Espanha de Sprint ena categoria senior en marc deth tradicionau Sprint Salomon prealable ara Marxa Beret.

Ena pròva an participat mès de 130 inscriti que s’a disputat jos ua intensa nheuada ena estacion de Baqueira Beret. Era pròva hè part deth calendari de Copa d’Espanha Loteries.

Eth pòdium ac completèren en hemnes era tanben aranesa Lydia Iglesias (ANEC – Federacion Catalana) e Varvara Prokhorova (Rússia). Era quatau classificada, Maialen López (IRUNG – Federacion Basca) s’a classificat per tant coma tresau ena Copa Espanha. En pòdium masculin, es hondistes Unai Sanz (UHRTE – Federacion Navarra) e Carlos Lannes (CMGC – Federacion Aragonesa) barrauen eth pòdium. Ena categoria U20 Alba Puigdefábregas (RFEDI – CEC – Federacion Aragonesa) e Gral Selles (RFEDI – BELLVER – Federacion Catalana), en U18 era aranesa María Iglesias (RFEDI – ANEC – Federacion Catalana) e Jaume Pueyo (RFEDI – CEFUC – Federacion Catalana). En veterans a guanhat Miguel Carvajal (CEOE – Federacion Andalosa). Toti eri an realizat dus torns ath circuit de 1 km.

Eth rèste des guanhadors, segontes es categories an estat: en U16 Claustre Montaner (SOPE – Federacion Catalana) e Nil Tosas (HBEN – Federacion Aragon), en U14 Martina Selles (BELLVER – Federacion Catalana) e Peio Añarbe (MGSTZ – Federacion Basca), e en U12 Joana Puig (BELLVER – Federacion Catalana) e Jan Vicente (CFUC – Federacion Catalana). En aguestes categories a estat de besonh un unic torn ath circuit de 1 km.

Era pròva a estat organizada peth Conselh Generau d’Aran, era estacion de Baqueira Beret, er Ajuntament de Naut Aran, era Reau Federacion Espanhòla d’Espòrts d’Iuèrn (RFEDI) e damb era collaboracion dera Federacion Catalana Esports d’Iuèrn (FCEH) e Salomon.

Deman dimenge 3 se celèbre era Marxa Beret, ena 40au edicion. Era pròva, ei includida en calendari dera Federacion Internacionau d’Esquí (FIS) de carrères populares (ML) e ei eth Campionat d’Espanha de Longa distància en sòn traçat de 42 km per çò qu’ei part dera Copa Espanha Loteries d’Esquí de hons dera RFEDI.

Info: RFEDI

Fotos: Fototur