Naua convocatòria des ajuts deth programa “Leader” enquiath 16 de gèr

  • Es persones interessades se pòden informar sus es ajudes ena sedença deth Conselh Generau d’Aran en tot demanar ora damb Judit Jaquet en j.jaquet@aran.org o en tel. 973 64 18 01.
  • Eth termini de presentacion des ajudes finalizarà eth 16 de gèr.

 

DSC_0002

 

Eth Conselh Generau d’Aran a presentat as microempreses, petites e mejanes empreses dera Val d’Aran es naues ajudes europèes LEADER 2016, a on se ne poderàn beneficiar toti es particulars dera Val d’Aran interessadi en impulsar un projècte empresariau generador d’activitat economica, atau coma es ajuntaments dera Val d’Aran.

En 2015 eth Govèrn d’Aran artenhec materializar aguest hèt reivindicat pera Val d’Aran, qu’a de supausar un impuls important ath desvolopament economic deth territòri.

Eth Departament d’Agricultura, Ramaderia, Pesca e Alimentacion (DARP) dera Generalitat de Catalonha, a seleccionat 11 Grops d’Accion Locau (GAL) Leader, entà aplicar eth desvolopament locau participatiu Leader en marc deth Programa de Desvolopament Rurau ( PDR) de Catalonha 2014-2020.

Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes, que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o mantenença de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microempreses, foment d’activitats toristiques, e conservacion e melhora der auviatge rurau.

En paraules dera conselhèra de Torisme e Desvolopament Economic d’Aran, Anna Díaz: “Es ajuts Leader pretenen fomentar era realizacion d’inversions que genèren activitat economica damb accions adreçades a fomentar era reactivacion economica e era creacion d’aucupacion”.

 

Convocatòria Leader gèr 2016

Se presentèren ath Consòrci Leader Pirenèu Occidentau un totau de 84, des quaus ne sigueren elegibles tà valorar 66.

Ena Val d’Aran d’un totau de 25 expedients elegibles, obtengueren ajuda 8 sollicituds, per un impòrt de 207.070,02€. Era rèsta demorèren excludidi per manca de disponibilitat pressupostària.

 

Es persones interessades se pòden informar sus es ajudes ena sedença deth Conselh Generau d’Aran en tot demanar ora damb Judit Jaquet en j.jaquet@aran.org o en tel. 973 64 18 01.

 

 

 

 

Vielha, 24 de noveme de 2016

 

Conselh Generau d’Aran: Núria Sanjuan 

Comments are closed.