Naua convocatòria des ajuts deth programa “Leader”

Es ajuts “Leader” son destinades tara creacion, ampliacion e mielhora d’empreses.

Eth 26 d’octobre tàs 13:00 ores aurà lòc ena sedença deth Conselh Generau d’Aran (Vielha) ua session informatiua.

Eth termini de presentacion des ajudes finalizarà eth 30 de noveme.

Es persones interessades se pòden informar sus es ajudes ena sedença deth Conselh Generau d’Aran en tot demanar ora damb Judit Jaquet en j.jaquet@aran.org o en tel. 973 64 18 01.

 

 

Eth Conselh Generau d’Aran presentarà eth 26 d’octobre as microempreses, petites e mejanes empreses dera Val d’Aran es naues ajudes europèes LEADER 2017, a on se ne poderàn beneficiar toti es particulars dera Val d’Aran interessadi en impulsar un projècte empresariau generador d’activitat economica, atau coma es ajuntaments dera Val d’Aran.

En 2015 eth Govèrn d’Aran artenhec materializar aguest hèt reivindicat pera Val d’Aran, qu’a de supausar un impuls important ath desvolopament economic deth territòri.

Eth Departament d’Agricultura, Ramaderia, Pesca e Alimentacion (DARP) dera Generalitat de Catalonha, a seleccionat 11 Grops d’Accion Locau (GAL) Leader, entà aplicar eth desvolopament locau participatiu Leader en marc deth Programa de Desvolopament Rurau ( PDR) de Catalonha 2014-2020.

Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes, que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o mantenença de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microempreses, foment d’activitats toristiques, e conservacion e melhora der auviatge rurau.

Eth termini de presentacion des ajudes finalizarà eth 30 de noveme.

Es persones interessades se pòden informar sus es ajudes ena sedença deth Conselh Generau d’Aran en tot demanar ora damb Judit Jaquet en j.jaquet@aran.org o en tel. 973 64 18 01.

Mès informacion:
http://www.leaderpirineuoccidental.cat/ajuts-leader/documentacio-i-descarregues/

 

 

 

Vielha, 6 d’octobre de 2017

 

Conselh Generau d’Aran: Núria Sanjuan

Comments are closed.