Naua edicion dera hèira comerciau “Aran Market” en Vielha a compdar d’aué e enquiath dijaus 20 d’agost

Un totau de 15 establiments aranesi expausen es sòns productes ena hèira

• Se realizaràn diferenti talhèrs a cargue de diuèrsi artesans aranesi

aran market_2015_1 Era conselhèra de Torisme e Desvolopament Economic, Anna Díaz e er alcalde de Vielha e Mijaran, Juan A. Serrano, aué pendent era inauguracion d’Aran Market.

 

Eth Conselh Generau d’Aran a organizat ua naua edicion dera hèira “Aran Market”, qu’aurà lòc en Vielha a compdar d’aué, deluns, enquiath 20 d’agost. Era hèira preten promòir es diferenti productes des comerçants dera Val d’Aran.

Un totau de 15 establiments an tret en carrèr es sòns productes entà dar a conéisher era vasta varietat qu’aufrís eth comèrç aranés. En aguest sens, i an comerçants de ròba, alimentacion, souvenirs, complements, decoracion, …

aran market_2015Brindant pendent era inauguracion, era conselhèra de Torisme e Desvolopament Economic, Anna Díaz, er alcalde de Vielha e Mijaran, Juan A. Serrano, e era tecnic de Comèrç e Torisme d’Aran, Montse Viló.

 

“Aran Market ei un eveniment que pòrte ja diuèrsi ans en marcha, e que cada an artenh atrèir era atencion de fòrça visitants. Atau, se poténcie eth comèrç aranés, damb era preséncia de visitants ath long des diferentes jornades que dure era hèira”, a comentat aué pendent era inauguracion d’Aran Market, era conselhèra de Torisme e Desvolopament Economic, Anna Díaz.

Pendent es tres dies dera hèira i auràn estands a on se veneràn es productes. Ath delà, tanben se realizaràn diferenti talhèrs d’artesania e de texil amiadi a tèrme per diuèrsi artesans aranesi.

Er orari d’Aran Market serà d’11h00 a 21h00 ininterrompudament.

 

TALHÈRS D’ARAN MARKET

Dimars 18 d’agost:

• De 17h30 a 19h00:

Talhèr de modelatge damb hanga polimerica a cargue de Núria Ninyerola

Hèm un tampon!, a cargue d’Alicia Mitjans

 

Dimèrcles 19 d’agost:

• De 17h30 a 19h00:

Talhèr de bombes e saus de banh a cargue de Sabons Careça

Talhèr de clauèrs e braçalets de macramè, a cargue de Baobab artesania

 

Dijaus 20 d’agost

• De 17h30 a 19h00:

Maquilhatge infantil a cargue de Kristina Nart

Comments are closed.