Eth 12 e 13 de mai era pista de gèu deth FC Barcelona tornèc a acuélher un classic deth calendari per excel•lència, que cada an amasse as melhors patinadors deth moment. Era cita metec punt finau ara 27au Liga Catalana de Patinatge Artistic sus Gèu.
Pòdiums tàs aranesi deth CEGVA: Berta Feixas, Telmo Ripa, Daniel Odriozola, Anne Ripa, Abril Pastor e Lucía Sánchez.
Era aranesa deth CEGVA, Berta Feixas Solà, 2au.
Era dimenjada passada siguec era Copa Internacionau Ciutat de Barcelona damb era organizacion deth FC Barcelona e era FCEH.
Es patinadors des diferentes categories e en tot deféner es colors de diuèrsi clubs coma eth CEPAP, eth CEGVA, era ACG, eth FC Barcelona, eth Club Hielo Txuri-Berri e eth Club Hielo Boadilla mostrèren ath public eth sòn melhor repertòri artistic entà obtier es posicions de privilègi.
Ena categoria Escòla, Nuria Tor deth CEPAP s’imposèc damb 15,20 punts, peth deuant d’Alina Jiménez e Valery Russo, ambdues deth FCB. Pol Visa deth CEPAP siguec eth guanhador damb 13,17. En Debutants, Ariadna Gupta deth FCB siguec prumèra damb 19,05, seguida dera sua companha Nur-Aynoa Yilmaz e Ingrid Martín deth CEPAP. En òmes, victòria d’Aidan Huestis deth FCB damb 15,21.
Ena categoria Benjamin, Clara Sanjose deth CEPAP damb ua puntuacion de 29,96 s’emportèc eth trionf deuant dera patinadora aranesa, Berta Feixas, deth CEGVA. Er aranés, Telmo Ripa, deth CEGVA siguec eth campion damb 16,63. Era patinadora deth FCB Carla Sánchez superèc damb 24,30 ara sua companha Laura Fluvià e Berta Ruiz deth CEPAP. Eth tanben membre deth FCB, Juan Parra, guanhèc damb 20,23.
En Cadet, victòria tanben deth FCB de mans de Paula Foulon, damb ua puntuacion de 23,40, seguida dera sua companha Annika Huestis. Ena abituau disputada categoria Debs, dusau posicion entà Laia Puntí deth CEPAP, seguida de Mara Martínez deth FCB, ath viatge qu’er aranés, Daniel Odriozola, deth CEGVA e Gael Foulon deth FCB sigueren dusau e tresau, respectivaments.
En Novice Regionau, era victòria queiguec tà Ona Fitó deth FCB damb 23,12, acompanhada en pòdium per dus compausants deth CEGVA, es araneses Anne Ripa e Abril Pastor.
En Advance Novice, ua representanta catalana en pòdium femenin, Erika Riera deth FCB. En òmes, dobla preséncia damb era victòria deth patinador deth FCB Arnau Joly damb 105,76 e dusau posicion entà Èric Alís deth CEPAP damb 96,71.
En Basic Novice era patinadora Alexandra Martínez deth FCB siguec era melhor sus eth gèu damb 41,95, seguida de Mireia Puntí deth CEPAP e Alba Ribera deth FCB. Pau Vilella deth CEPAP s’impausèc ena categoria masculina damb 22,56, seguit de Guiu Oliver deth FCB. En Basic Novice B, era aranesa, Lucía Sánchez, deth CEGVA damb 32,74 guanhèc, a Edwige Gil que siguec tresau.
E en Junior 2au pòdium complèrt deth FCB, damb era victòria entà Maria Rodriguez, que somèc 43,57 punts, seguida d’Ariadna Sibera e Sara Alberch. E en Junior ISU, polit düèl entre dues fraies, Laia Bertran e Anna Bertran, que se decantèc entara prumèra, patinadora deth FCB, damb 112,38. Dusau era sua fraia, deth CEPAP, e tresau Ingrid Riera, tanben deth FCB.
Vielha, 15 de mai de 2018
Conselh Generau d’Aran: Núria Sanjuan
Hònt: FCEH