Prepausa Lei d’Aran 13 de Junhsèga de 2009

Es pròplèus dies 4 e 5 d’abriu seràn ena Val d’Aran es Deputats membres dera Ponéncia Conjunta entà impulsar era naua Lei d’Aran. Era prepausa de lei que gessec deth consens des grops politics deth país e dera quau ja se n’hèc ua presentacion publica ena sedença deth Conselh Generau d’Aran, seguec entregada ath Conselhèr de Governacion dera Generalitat de Catalunya en an 2009.

Des d’alavetz enquiara an passat cinc ans damb fòrça contiengut politic e damb episòdis qu’an hèt qu’aguest 2014 sigue un an trascendent entà Catalunya e Aran. Deth moment politic der an 2009 ar actuau s’evidencie qu’ena prepausa d’aguesta naua Lei d’Aran i a beri ambits que dejà an estat superadi, dilhèu eth mès relheuant ei eth dera cultura e era lengua damb era creacion dera Académia dera Lengua e Institut d’Estudis Aranesi.

Tath vòste coneishement, ací auetz era prepausa deth document damb eth que se trebalhe era ponéncia conjunta deth Parlament de Catalunya. Un document ambiciós qu’aurà d’èster defenut damb conviccion e fortalesa per toti es grops politics d’Aran e que tanben auem de compdar damb eth supòrt des ciutadans deth país.

DESCARREGAR