Presentacion d’Era Roda Non Stop 2017

Vielha, 5 de juriòl de 2017.- Deman dijaus entàs 19.30 ores se presente en Conselh Generau d’Aran Era Roda Non Stop 2017.

Era Roda Non Stop nèish entà dar cabuda a toti es amants deth mountain bike pur, en un entorn privilegiat coma ei era Val d’Aran.

Damb inici ena localitat de Salardú, en Naut Aran, era pròva circule per toti es Terçons dera Val d’Aran, en tot poder gaudir pendent eth recorregut dera pròpria vegetacion de nauta montanha e tanben des bòsqui enes parts mès baishes.

Entad aguesta naua edicion s’a decidit daurir era pròva a un ventalh mès gran de ciclistes, e ei per aguest motiu que se prepausen 2 distàncies:

Ultramarathon: Damb 140km e un desnivèu positiu de 5200m, aguesta pròva se place entre ua des mès dures deth Pirenèu e circule ena sua totalitat pera Val d’Aran, un scenari perfècte entà poder gaudir dera montanha mès autentica.

Marathon: Damb 77km e un desnivèu positiu de 2800m se convertís en complement perfècte entad aqueri que preferisquen ua carrèra mès compacta mès sense pèrder er encant de circular per aguesti meravelhósi paratges e damb era duretat d’un desnivèu de 2800m en ua distància de 77km.

Era Roda

 

Comments are closed.