Presentacion d’ESCALARAN nau Club d’Espòrts de Montanha dera Val d’Aran

Vielha, 25 de mai de 2016.- Aué s’a presentat en Conselh Generau d’Aran eth nau Club de Montanha ESCALARAN. Era presentacion a anat a cargue deth vicesindic d’Aran e conselhèr d’Espòrts e Joenessa, Luís Carlos Medina, acompanhat de dus des fondadors deth club, Marta Bautista e Andrés Vegue.

Eth club, nèish damb era volontat de fomentar es bones practiques des espòrts tradicionaus de montanha, coma era escalada, eth senderisme, er alpinisme e era orientacion, a trauès de desparières activitats educatives e formatives. ESCALARAN, a coma objectiu eth foment de tota sòrta d’activitats socioculturaus en torn as caracteristiques geografiques, ambientaus e culturaus dera Val d’Aran.

Eth vicesindic d’Aran, Luís Carlos Medina, trasladèc as impulsors dera iniciatiua eth supòrt deth Govèrn d’Aran, en tot felicitar-les donques didec, “a viatges ena Val d’Aran, auem es montanhes tan apròp que non les vedem, e damb eth supòrt a iniciatiues coma aguesta, ajudam a méter en valor eth patrimoni naturau dera Val d’Aran “.

Es fondadors deth club ESCALARAN, son Marta Bautista, Licenciada en Psicopedagogia e monitora en temps de léser; Andrés Vegue, Tecnician Superior d’espòrts d’iuèrn e Tecnician esportiu d’Escalada; e Ricardo Elviro, Licenciat en Sciéncies dera Activitat Fisica e er Espòrt.

ESCALARAN, aufrirà tanben activitats restacades damb era escòla d’escalada entà mainatges e mainades d’entre 6 e 14 ans e tanben entà adults, activitats de dimenjada e campament d’ostiu.

10308062_1054334551317746_3640529597922873725_n 13239323_1054334557984412_8008551015106182642_n

Comments are closed.