Programacion de talhs enes pistes forestaus deth 26 de noveme ath 2 de deseme

Vielha, 26 de noveme de 2018.- Eth Conselh Generau d’Aran contunhe en tot trabalhar damb accions enes pistes forestaus laguens des prètzhèts de melhora e conservacion des accèssi ar auviatge naturau e culturau dera Val d’Aran.

Prevision de talhs era setmana deth 26 de noveme ath 2 de deseme:

Era pista de St. Joan, de Varradòs en Vilamòs, demorarà talhada pendent es 24 ores deth dia de deluns a dimenge.

Era pista de Varradòs, deth crotze d’Arròs enquia Bòrdes dera Artiga, demorarà talhada deluns e dimars de 8:00 a 13:00 e de 14:30 a 19:30 ores, e talhada pendent es 24 ores deth dia dimèrcles, dijaus e diuendres. Dissabte e dimenge era pista serà dubèrta.

Es pistes dera Artiga de Lin, deth Pònt deth Còc enquia eth parcatge dera Ermita e enquiath Plan dera Artiga, es òbres provocaràn talhs puntuaus de 10 a 15 menutes de durada, de deluns a diuendres. Dissabte e dimenge es pistes seràn dubèrtes.

Ena pista de Mina Victòria, d’Arres de Sus ara Bassa d’Arres es òbres provocaràn talhs puntuaus de 10 a 15 menutes de durada, de deluns a diuendres. Dissabte e dimenge era pista serà dubèrta.

Era pista de Mina Victòria, dera Bassa d’Arres enquia Bossòst, demorarà talhada pendent es 24 ores deth dia de deluns a diuendres. Dissabte e dimenge era pista serà dubèrta.

Era pista de Valarties, deth Pònt de Valarties ath Plan de Nera, demorarà daurida tota era setmana.

Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.

Comments are closed.