Prumèrs indicis d’activitat d’ossi ena Val d’Aran

Vielha, 15 de març de 2019.- Es ossi comencen a gésser dera ibernacion. Es prumèrs indicis d’activitat d’ossi an estat trobadi aguesti darrèri dies ena Val d’Aran e zònes pròplèus. Se tracte de peades ena nhèu trobades era darrèra setmana ena Val de Toran e dimèrcles ena zòna dera Bonaigua.

Aguesta sòl èster era epòca en qu’es prumèrs ossi abandonen es cauves d’ibernación. Es femelhes damb cries seràn es darrères en gésser donques que demoraràn damb es cadèths pendent es prumèrs mesi ena madeisha cauva.

En çò que tanh a Goiat, aguest exemplar seguís en ibernacion ena zòna de Margalida en Bossòst, encara que s’an enregistrat movements leugèrs d’aguest os.

Comments are closed.