Quate pòdiums entàs U16 deth CAEI en IXau Trofèu Infantil La Molina

  • Era equipa U16 obtenguec boni resultats era dimenjada passada en La Molina.

 

U16

 

Eth dissabte, 4 de hereuèr, damb era estacion barrada per vent se realizèc era pròva d’Eslalom ena pista “El padro”. Ua pista facila e fòrça interessant entàs gojats de 15 e 16 ans.

En gojates, eth CAEI artenhie un doblet damb era victòria d’Ana Vidaor e era dusau posicion de Jana Suau. Tanben Carla Maristany obtenguec ua meritòria 6au posicion. En òmes, eth club artenhec era dusau plaça damb David Eseverri e quatau siguec Octavi Aris que lideraue ua prumèra manja fòrça tecnica e sabec mantier-se deuant ena dusau.

Eth dimenge, damb era nhèu fòrça pessada pera ploja queiguda pendent era net, es condicions sigueren mès complicades. Ana Vidaor tornaue a pujar ath pòdium damb ua tresau posicion. Dempús dera prumèra manja anaue siesau mès ena dusau sabec rehèr-se e remontar diuèrses posicions. En òmes, Octavi tornaue a liderar era prumèra manja mès ena dusau s’anèc cap ath darrèr. David Eseverri, Lluís Relat e er aranés, Pèir Cónsul, acabauen en cincau, siesau e setau lòc respectivaments.

 

 

 

 

 

Vielha, 7 de hereuèr de 2017

 

Conselh Generau d’Aran: Núria Sanjuan

Hònt e foto: CAEI 

Comments are closed.