Recepcion deth Conselh Generau ath RCD Espanyol que se trape ena Val d’Aran en tot realizar eth sòn stage de pretemporada

Era equipa de Barcelona repetís per dusau an consecutiu en pòble de Garòs a on s’entrene en camp de fotbòl de Naut Aran.

Era Val d’Aran pòrte bèri ans en tot arrecéber era visita de diferentes equipes esportius d’elèit pendent era sason d’ostiu.

Era equipa femenina tanben tornarà a realizar eth stage de pretemporada, deth 10 ath 12 d’agost e coma nauetat enguan tanben harà part dera sua pretemporada era equipa B masculin.

espanyol

Eth vicesindic d’Aran e conselhèr d’Espòrts, Luís Carlos Medina, amassa damb era conselhèra de Torisme, Comèrç e Consum, Anna Díaz, e eth president dera EMD d’Arties e Garòs, David Torres, an arrecebut ara plantilha deth RCD Espanyol que se trapen ena Val d’Aran pendent aguesta setmana entà realizar part dera sua pretemporada d’ostiu.

Era equipa catalan repetís eth stage qu’inicièc est an passat, en tot lotjar-se a lèu 1 km deth camp de fotbòl de Naut Aran. Des deth club son satisfèti pes condicions qu’aufrís era Val d’Aran a nivèu d’installacions entà poder desvolopar part dera sua pretemporada.

Eth RCD Espanyol jogarà eth sòn prumèr amistós contra un combinat dera Val d’Aran eth 20 de junhsèga entàs 19h00 enh camp de fotbòl de Naut Aran e damb entrada gratuïta.

“Ei un aunor poder compdar per dusau an damb era preséncia deth RCD Espanyol de Barcelona ena Val d’Aran. Dempús dera bona acuelhuda qu’auec era equipa est an passat, e era grana experiéncia que supause entara Val d’Aran, mos alegram que mos agen escuelhut un aute viatge entà començar a premanir era sua sason”, comente era conselhèra de Torisme, Comèrç e Consum, Anna Diaz.

espanyol_2

Pera sua part, eth vicesíndic d’Aran, Luís Carlos Medina, a arregraït ath Club qu’era equipa B masculin realize part dera preparacion dera sason peth prumèr còp ena Val d’Aran, deth 4 ath 8 d’agost. Atau coma tanben ara seccion femenina que tanben tornarà enguan a hèr eth stage de pretemporada ena Val d’Aran coma ja hesse est an passat. Eth concrèt, deth 10 ath 12 d’agost.

Era Val d’Aran s’a anat plaçant enes darrèri ans coma era destinacion preferida per diuèrses equipes d’elèit de diferenti espòrts entà realizar part dera sua preparacion fisica mesi abans de començar era sason.

Comments are closed.