Vielha, 23 de junh de 2017.- Eth Conselh Generau d’Aran difon ua seria de recomanacions entà gaudir d’ua bona net de Sant Joan e conselhs entà evitar es efèctes d’ua possibla onda de calor.

Deuant dera incidéncia que sigue metetz-vos en contacte damb eth servici d’emergéncies a trauès deth telefòn 973 64 00 80 o en tot telefonar ath 112.

Es risqui deth huec e es petards

Entà gaudir dera revelha e tradicions cau auer en compde es risqui que compòrten eth huec e es petards.

En çò que tanh as petards, s’a de susvelhar eth comportament des mès petiti, seguir es instruccions d’emplec des fabricants e non lançar fusades pròp deth bòsc.

Es huecs s’alugaràn isoladi des edificis, tostemp jos era supervision d’adults e non s’a de lançar elements que poguen espetar o desgahetar.

Deuant es efèctes d’onda de calor

Pendent es mesi d’estiu se comence eth Plan d’accion entà previer es efèctes des ondes de calor sus era salut.

Des deth 1 de junh e enquiath 30 de seteme, eth departament de Salut, amassa damb eth Servici Meteorologic de Catalonha, e damb era collaboracion d’auti organismes dera Generalitat, entitats municipalistes e entitats sociaus, an començat eth Plan d’accion entà previer es efèctes d’ua possibla onda de calor sus era salut.

Tota era información: http://interior.gencat.cat/ca/arees_dactuacio/proteccio_civil/consells_autoproteccio_emergencia/riscos_naturals/onada_de_calor/