Restriccions de circulacion as veïculs de mès de 8,5m de longitud ath sòn pas per Saint-Béat (França)

Vielha, 13 de deseme de 2017.- Eth Conselh Generau d’Aran informe que, encara pendenti dera confirmacion oficiau per part des autoritats franceses, a causa deth perilh d’esvauçaments de ròques de grana dimension sus era carretèra N-125 en França, ath sòn pas pera poblacion de Saint-Béat, s’a fixat ua restriccion de pas entàs veïculs de mès de 8,5m de longitud des deth dia 14 de deseme de 2017 as 18 ores enquiath dia 14 de hereuèr der an 2018.

Era prevision ei que pendent aguesti mesi se poderàn realizar es òbres d’estabilizacion ena part dera montanha qu’afècte ara N-125 en aguesta zòna.

A efèctes practics, aguestes restriccions obliguen ath transpòrt pesat de mercaderies a cercar rotes alternatives ara N-230 ath sòn pas pera Val d’Aran entad aguest tipe de veïculs.

Comments are closed.