En totau participèren 55 exemplars de 22 explotacions
Eth concors a estat eth punt finau des quate hèires que s’an celebrat pendent tota era setmana ena Val d’Aran
Un totau de 55 exemplars de 22 explotacions participèren ager dissabte, 11 d’octobre, peth maitin en XI Concors Morfologic de “Cavall Pirenenc- Catalan”. Eth concors se celebrèc en Salardú jos era organizacion dera Associacion de Criadors deth Shivau de Raça “Cavall Pirenenc Catalan” dera Val d’Aran, damb era collaboracion der Ajuntament de Naut Aran e deth Conselh Generau d’Aran.
Eth concors morfologic a estat eth punt finau des quate hèires que s’an celebrat pendent tota era setmana enes poblacions araneses de Bossòst, Les, Salardú e Vielha.
Eth conselhèr d’Agricultura, Ramaderia e Medi Naturau deth Conselh Generau d’Aran, José Enrique Arró, acompanhat peth sindic d’Aran, Carlos Barrera e de Marcos Viló, conselhèr d’Espòrts deth Conselh Generau d’Aran entre d’auti, sigueren es encargadi de hèr eth liurament des diferenti guerdons.
Coma tostemp eth concors se dividie en diferentes categories: Soberana, femelhes d’un an e miei, Soberan, mascles d’un an e miei, Terçona, femelhes de dus ans e miei, Terçon, mascles de dus ans e miei, Parelha, parelha d’egua e potro, e Semental, shivaus sense limitacion d’edat.
CLASSAMENT:
CATEGORIA: SOBERANA
1ª HEIDI de Sergio Mir (Aubèrt)
2ª BALA de Joan España (Salardú)
3ª DUSA-ARAN I d’Albert Boya (Les)
CATEGORIA: SOBERAN
1º TARZAN d’Oscar Nart (Vielha)
2º NERE de Mario Rufaste (Gessa)
3º NEYMAR de Clemente Saforcada (Bossòst)
CATEGORIA: TERÇONA
1ª REINA de Francisco Bruna (Unha)
2ª CLOE de Manuel Faure (Betren)
3ª HUELHA de Mario Rufaste (Gessa)
CATEGORIA: TERÇON
1º CAZADOR de Jose Montanera (Les)
2º PACO de Carlos Solé (Vielha)
3º CARTUJANO-ARAN d’Albert Boya (Les)
CATEGORIA: PARELHA
1ª NARCISA de Jose A. Boya (Les)
2ª MORA II- ELSA de Jose A. Nart (Arties)
3º LUPITA de Carlos Solé (Vielha)
CATEGORIA: SEMENTAL
1º BONAVÉ-ARAN de Manuel Faure (Betren)
2º NERET de Jose A. Nart (Arties)
3º MORENO de J. Andres Delupe (Bossòst)
