Vielha, 20 d’agost de 2018.- Eth passat diuendres 17 d’agost auec lòc eth concèrt de presentacion oficiau dera Corau Es Paoesses de Vilamòs, qu’ei era seccion de veus dera Asssociacion Es Paums de Vilamòs.

Era Corau ei ua iniciatiua de Es Paums entà promoir eth cant corau, sustot en aranés, en nòste País.

Era formacion Es Paoesses ei compausada per vint-e-cinc veus, des quaus ua ventea ne son hemnes e ath delà ei acompanhada pera sección de ritme de Es Paums era istorica banda aranesa.

Era direccion musicau l’amie Lúcia Mas, cantaira aranesa damb experiéncia en formacions coraus.

En marc incomparable deth palhèr de çó de Joanchiquet Es Paoesses aufriren un repertòri plan variat damb musica aranesa, havanères, bolèros e acabèren era sua intervencion damb eth tèma en catalán “Tornarem”.

Ath delà de Es Paoesses ena serada musicau i participèren era Corau Margalida de Bossòst, Lucia Mas, eth tenor Alejandro Guardia e era soprano Begonha Pichòt.

Era Corau de Vilamòs que ja a actuat ena Misa de Entronizacion de Sant Ròc e enes Maitins Musicaus ena Residéncia en Vielha compde damb eth supòrt der Ajuntament de Vilamòs e deth Conselh Generau d’Aran.