Session de trebalh “Biomassa ena Val d´Aran: accions realizades”

Er objectiu dera biomassa ei redusir eth còst deth consum d’aigua cauda sanitària e cauhatge en tot preservar eth Medi Ambient

BIOMASSA_2014

Eth Conselh Generau d´Aran a iniciat eth procès entara implantacion d´un sistèma de biomassa tamb er objectiu de redusir eth còst deth consum d´aigua cauda sanitària e cauhatge ena Val d´Aran, afavorint tanben era preservacion deth miei ambient e era creacion de lòcs de trebalh. Un objectiu que se presentèc eth passat 16 de junhsèga ena session de trebalh ” Estalvi energètic i econòmic al sector hoteler a través de la biomassa. Casos pràctics”.

Tamb era intencion de dar un pas mès entara implementacion dera biomassa, autant en sector public coma en privat, eth Conselh a Generau a organizat ua session de trebalh “Biomassa ena Val d´Aran: accions realizades”.

Era conselhèra de Tursime, Comèrç e Consum d’Aran, Anna Díaz, a soslinhat “era biomassa ei ua oportunitat entà mielhorar era competitivitat empresariau pr´amor qu´afavorís era reduccion deth còst dera factura energetica. Des deth Govèrn volem fomentar era implantacion dera biomassa en sector empresariau dera Val d´Aran, especiaument en toristic, important motor economic deth territòri”.

Comments are closed.