Stage de pretemporada deth RCD Espanyol B ena Val d’Aran

Vielha, 19 de junhsèga de 2018.- Un estiu mès, e ja son cinc consecutius, era plantilha deth RCD Espanyol B a escuelhut era Val d’Aran entà realizar eth sòn stage de pretemporada.

Es integrants dera plantilha der Espanyol B que seràn ena Val d’Aran enquiath dimenge, utilizen es installacions deth camp de fotbòl de Garòs en Naut Aran en sessions de maitin e tarde entàs sòns entrenaments.

Des deth RCD Espanyol se mòstren satisfèti pes possibilitats qu’aufrís Aran, tant en çò que tanh ara natura e ath clima, coma pes installacions qu’utilizen es esportistes, es esportiues e es otelères, a on se preparen entad inici dera sason.

Es 25 jogadors e es 9 tecnics dera equipa an estat arrecebudi en Conselh Generau d’Aran peth conselhèr de Territòri José Antonio Boya, qu’a desirat as jogadors fòrça èxits entad aguesta naua sason en qu’era equipa militarà ena dusau division B, dempús er ascens artenhut ena darrèra sason, e felicitèc especiuaments ath sòn entrenador, David Gallego, pera eth bon finau de sason realizada deuant dera prumèra equipa deth RCD Espanyol.

Comments are closed.