Talhèr formatiu sus economia sociau en Conselh Generau d’Aran

Vielha, 13 de seteme de 2017.- Eth Conselh Generau d’Aran acuelherà eth pròplèu dimars 19 de seteme un talhèr formatiu sus economia sociau adreçat a:

image004

  • Associacions, fondacions, d’auti tipes d’entitats que vòlen optar entà contunhar tota o part dera sua activitat economica a trauès d’ua cooperatiua.
  • Enterpreses (explotacions economiques en format principauments de SCPo SL) qu’avaloren transformar-se juridicaments en un modèl d’economia sociau e cooperatiua.
  • Entitats que s’someten ua modificacion dera forma juridica dera organizacion
  • Collectiuse associacions de consum.
  • Enterpreses o entitats pròplèus ath barrament dera activitat.

Aguest talhèr que s’enquadre laguens des accions qu’eth Ateneu Cooperatiu deth Naut Pirenèu e Aran desvolòpe entà fomentar e promòir era economia sociau en territòri e que coordine eth Conselh Comarcau deth Palhars Jussà damb es auti conselhs deth Naut Pirenèu e eth Conselh Generau d’Aran, a coma objectiu hèr conéisher era formula cooperatiua e es societats laboraus, atau coma presentar eth modèl cooperatiu coma oportunitat entà relançar ua activitat economica.

Pere Ribas i Perarnau, sòci fondador de Calidoscoop, que serà er encargat d’aguest talhèr formatiu, a mès de dètz ans d’experiéncia professionau en sector dera economia sociau e cooperatiua, en assessorament ena creacion d’enterpreses cooperatiues e ena gestion d’entitats deth tresau sector.

Eth talhèr debanarà eth pròplèu dimars 19 de seteme entre es 16 e es 19 ores en Conselh Generau d’Aran. Es inscripcions son gratuïtes e se pòden formalizar mejançant eth telf. 973641801 o a g.vilo@aran.org

 

Programa: Talher Coop

Comments are closed.