Vielha, 29 de junh de 2017.- Eth pròplèu dissabte 1 de juriòl, organizat peth Conselh Generau d’Aran, en collaboracion damb er Institut Catalan d’Ornitologia e eth Projècte d’arongles, se realizarà un Talhèr/Gessuda entà apréner a hèr eth seguiment e eth cens de nins d’arongla cuu blanc ena Val d’Aran.

Eth lòc d’amassada ei era Plaça Ortau d’Arties entàs 19 ores. Era activitat ei dubèrta ath public e non cau inscripcion prealabla.

Entà mès informacion pòt telefonar ath 93 458 78 93/973 64 18 01