Tot prèst entara 2au Era Nocturna Vielha

ERA NOCTURNA

Eth pròplèu 2 d’agost, a compdar des 21h00, aurà lòc era 2au edicion d’Era Nocturna Vielha, corsa que se desvoloparà pes carrèrs de Vielha.

Se tracte d’ua jornada ena quau i aurà diferentes pròves:

– Carrèra de 5 e 10 km (2 torns sus un circuit de 5 km)
– Caminada de 5 km.

D’aguesta manèra, toti pòden participar, ja siguen en tot caminar o corrent. Est an passat en debut dera competicion, 400 persones aumpliren es carrèrs de Vielha entà aderir-se ad aguesta pròva.

Per un aute costat, es menors de 12 ans tanben auràn era sua competicion exclusiva, que se realizarà 2 ores abans dera corsa oficiau.

Ath long dera dimenjada, i aurà charrades sus nutricion esportiua e de materiau esportiu, atau coma era possibilitat de gaudir d’eth “Pintxo-Runner”, a on s’aufrirà ua rota per diferenti bars per degustar diferenti pinxos.

Luís Carlos Medina, conselhèr d’Espòrts d’Aran, a soslinhat “maugrat èster era dusau edicion, aguesta corsa s’a assolidat coma un eveniment popular e esportiu, en tot convertir-se en un referent entàs residents dera Val d’Aran e entàs persones que mos visiten” eth conselhèr a ahijut “Era Nocturna ei ath delà un eveniment familhar fòrça interessant atant entà majors coma entà petiti”.

Era Nocturna de Vielha ei ua activitat realizada peth Club Atletic Val d’Aran (CAVA) que compde damb era colaboracion entre d’auti, deth Conselh Generau d’Aran.

Mès informacion e inscripcions: www.eranocturnavielha.com

Comments are closed.