Un an mès era AECC d’Aran organize era caminada entà commemorar eth Dia Mondiau contra eth càncer de popa

Era caminada aurà lòc aguest dimenge, dia 21 d’octobre, entàs 12:00 ores ena plaça dera glèisa de Vielha.

 

 

Damb motiu deth Dia Mondiau contra eth càncer de popa era Junta Locau dera AECC d’Aran a programat un an mès ua caminada contra eth càncer de popa que serà eth dimenge, 21 d’octobre, entàs 12:00 ores damb gessuda ena plaça dera glèisa de Vielha.

Era salut e era solidaritat son es dus èishi principaus d’aguesta iniciatiua.

Damb era caminada se vò fomentar era practica dera activitat fisica e un estil de vida saludable ena poblacion en generau e ath viatge captar hons entara luta contra eth càncer entà poder dar contunhitat as prestacions e servicis qu’era AECC desvolòpe ath long de tot eth territòri de forma gratuïta.

Eth 40% des càncers se pòden previer damb estils de vida saludables.

Un des principaus pilars dera AECC ei conscienciar sus es abituds de prevencion. Abituds importantes tant entà previer coma entàs persones que se les a diagnosticat un càncer

Vos i demoram!!

 

 

 

 

Vielha, 19 d’octobre de 2018

 

Conselh Generau d’Aran: Núria Sanjuan

Comments are closed.