Vielha, 28 de juriòl de 2017.- Es integrants dera plantilha e eth còs tecnic deth Lleida Esportiu an estat arrecebudi en Conselh Generau d’Aran peth sindic d’Aran, Carlos Barrera, en ua recepcion oficiau pendent eth sòn stage de pretemporada en Val d’Aran.

Eth Lleida Esportiu ei en tèrres araneses des deth darrèr deluns 24 de juriòl a on a realizat es entrenaments de pretemporada enes installacions deth camp de fotbòl de Naut Aran en Garòs. Ath delà, a disputat dus partits amistosi de preparacion contra eth Tremp FC e tanben damb ua seleccion des equipes dera Val d’Aran.

Pendent era recepcion en Conselh Generau, eth sindic d’Aran, Carlos Barrera, a arrebrembat qu’es aires d’Aran en beneficiosi entàs èxits futurs des equipes que preparen era sason ena Val, e acte seguit a volut hèr-se era fotografia oficiau damb toti es integrants dera plantilha.

Dempús deth stage de pretemporada der Espanyol “B” e deth Lleida Esportiu, ara se demore era arribada dera prumèra equipa deth Toulouse F.C. dera prumèra division francesa, e dera equipa femenina der Espanyol, que tanben prepararàn era sason ena Val d’Aran.