{"id":22027,"date":"2018-05-04T19:26:08","date_gmt":"2018-05-04T17:26:08","guid":{"rendered":"http:\/\/www.conselharan.org\/?p=22027"},"modified":"2020-09-23T13:14:57","modified_gmt":"2020-09-23T11:14:57","slug":"seminari-de-trabalh-sus-eth-plan-de-refugis-deth-projecte-entrepyr-ii","status":"publish","type":"post","link":"https:\/\/www.conselharan.org\/ca\/seminari-de-trabalh-sus-eth-plan-de-refugis-deth-projecte-entrepyr-ii\/","title":{"rendered":"Seminari de trabalh sus eth Plan de refugis deth proj\u00e8cte Entrepyr II"},"content":{"rendered":"

Eth Conselh Generau d\u2019Aran<\/strong> a acuelhut un seminari des grops de trabalh deth Plan de refugis deth proj\u00e8cte <\/strong>ENTREPYR II<\/strong>, que ei part deth Programa de Cooperacion Territoriau Europ\u00e8a INTERREG V-A (Espanha-Fran\u00e7a-And\u00f2rra) POCTEFA 2014-2020.<\/p>\n

Eth seminari, realizat eth dijaus 3 e eth diuendres dia 4 de mai, acuelh diferenti grops de trabalh sus tematiques referentes ad aguest Plan de refugis transfronteri\u00e8rs, es encastres coma era modernizacion des refugis, bones e males practiques deth trabalh des guides, diagnostic e qualitat des refugis e aub\u00e8rges, gestion mieiambientau, seguretat e emerg\u00e9ncies, promocion, comunicacion e comercializacion, recomanacions des des bur\u00e8us de torisme, e era formacion des agents, entre d’auti ah\u00e8rs.<\/p>\n

Eth seminari tanben a includit coll\u00f2quis e conferencies sus eth Plan de desvolopament toristic des z\u00f2nes naturaus de nauta montanha pirenenca, sus es refugis d\u2019Aragon, e es presentacions e metuda eth comun des accions de cada grop de trabalh.<\/p>\n

\"\"<\/a><\/p>\n

ENTREPYR II ei un proj\u00e8cte que recuelh coma un des s\u00f2ns objectius principaus art\u00e9nher qu’es amants des montanhes recorren indistinta e amassa es refugis espanh\u00f2us, francesi e andorrans, e era utilizacion des naues tecnologies enes refugis deth Piren\u00e8u.<\/p>\n

Eth Conselh Generau d\u2019Aran participe en aguest proj\u00e8cte europ\u00e8u amassa damb era Federaci\u00f3n Aragonesa de Monta\u00f1ismo, era Federaci\u00f3 d\u2019Entitats Excursionistes de Catalonha (FEEC) e eth Gobierno de Arag\u00f3n per part espanh\u00f2la, amassa damb eth Parc National des Pyr\u00e9n\u00e9es, L\u2019Universit\u00e9 de Toulouse III e era\u00a0Federation Fran\u00e7aise des Clubs Alpins et de Montagne pera part francesa, e era Federaci\u00f3 Andorrana de Muntanyisme coma entitat associada.<\/p>\n

Cau arrebrembar qu’a trau\u00e8s deth proj\u00e8cte ENTREPYR II, damb ua subvencion de 97.500 \u20ac, eth Conselh Generau d\u2019Aran installar\u00e0 es dus refugis de montanha dera Val d\u2019Aran dus banhs shuts e dues potabilizadores entath tractament d\u2019aig\u00fces residuaus. A part d\u2019aguestes melhores eth Conselh Generau tanben a previst destinar part d\u2019aguesta subvencion ara melhora dera promocion e comercializacion des rotes de senderisme dera Val d\u2019Aran atau coma era difusion dera madeisha via web.<\/p>\n

POCTEFA ei un programa europ\u00e8u de cooperaci\u00f3n transfronteri\u00e8ra creat ent\u00e0 fomentar eth desvolopament sostenible, atau coma ent\u00e0 refortilhar era integracion economica e sociau deth territ\u00f2ri de Catalonha que limite damb Fran\u00e7a e And\u00f2rra, a trau\u00e8s deth finan\u00e7ament de proj\u00e8ctes dessenhadi e geridi per organismes publics e privadi des dus costats des Piren\u00e8us. Eth Programa se finance a trau\u00e8s deth Hons Europ\u00e8u de Desvolopament Regionau (FEDER).<\/p>\n

 <\/p>\n\n\t\t