· Enguan torne ua naua edicion deth “Concurs Morfològic de Cavall Pirinenc Català”, que se harà dissabte 11 d’octobre en Salardú.

A compdar deth 6 d’octobre e enquiath 1 de noveme, se haràn ena Val d’Aran es tradicionaus hèires deth bestiar en Les, Salardú, Vielha e Bossòst, ues hèires que tornaràn a compdar en sòn calendari damb ua naua edicion deth “Concurs Morfologic de Cavall Pirinenc Català”.

Eth calendari

· Deluns, 6 d’octobre:

Les: 09.00h Arribada deth bestiar. 10.00h Esdejoar popular, ena sala de Hèstes, aufrit per Ajuntament de Les. Des 11.00h – 14.00h Holables entara mainadèra (parcatge Sant Cristòbal). 13.00h Teatre en carrèr “Camins que parlen”, en parcatge Sant Cristòbal, e ath long de tot eth dia, mercat tradicionau e artesanau de tardor. Eth lòc, en parcatge e recinte dera hèira de Les.

· Dimars, 7 d’octobre:

Salardú: 08.30h Arribada deth bestiar. 09.30h Esdejoar popular aufrit per Ajuntament de Naut Aran. Ara seguida, mòstra deth bestiar e mercat de productes.

A compdar des 13.00 ores era sala Polivalenta de Salardú acuelherà eth showcooking-degustacion damb restauradors deth Naut Aran, entàs 17.30 Degustacion gratuïta, (cau anar a remassar es tiquets en Ajuntament deth Naut Aran). Vrespalh e espectacle infantil: “Era Princesa Codinèra”.

· Dimèrcles, 8 d’octobre:

Vielha: 9.00h Arribada deth bestiar en recinte dera hèira (Av. deth Pas d’Arró) 10.00h Esdejoar popular en recinte firau (en parcatge des militars).12.00h Liurament der incentiu d’assisténcia as pagesi participants. Tanben, ath long de tot eth dia, mercat comerciau (ena Av. Castièro).

· Dissabte, 1 de noveme:

Bossòst: 09.30h Mòstra de bestiar en recinte firau, tàs 10.00 esdejoar popular, includit enguan ena Region Mondiau dera Gastronomia, er Ajuntament de Bossòst s’aderís a “Som Gastronòmic” e mestrarà òlha entà esdesjoar. Mercat artesanau ath long de tota era jornada en passeg.

Tàs 17.30h Balhs aranesi damb es Sautarèts de Bossòst ena plaça dera Hònt. Tàs 00:00 balh de net damb eth grop Welcome Band e ara seguida, DJ Mora barrarà era jornada de hèira.

Laguens des acte programadi, es dies 31 d’octobre e 1 de noveme, era sala polivalenta acuelherà un an mès eth passatge deth terror.

· Concors deth dissabte 11 d’octobre:

Tàs 08.00 h Arribada deth bestiar. 10.00 h Esdejoar ramadèr. 10.30 h Inici deth Concors 2025 (liurament des prèmis en acabar cada categoria). Era competicion se harà enguan en Salardú. Tàs 00.00 h Balh de net damb era Orquèstra Meditèrrania e Dj.

Vielha, 05 d’octobre de 2025