Era Val d’Aran a estat fòrça ben representada en es Campeonats deth Món Junior FIS de Freeride, que se celèbren deth 17 ath 23 de gèr en Kappl (Àustria), ua des competicions mès prestigioses deth freeride internacionau en categoria junior.

Era cita a amassat 68 joeni riders de 13 païsi, consolidant-se coma un escenari de maxim nivèu entà mostrar eth futur deth freeride mondiau.

Deth totau de 7 riders dera seleccion espanhòla, 5 èren aranesi, un hèt que confirme eth pes e era trajectòria dera Val d’Aran coma territòri de referéncia en aguesta disciplina.

Toti es esportistes aranesi participants an estat part deth Programa de Tecnificacion Infantila, un projècte clau impulsat entara deteccion, formacion e acompanhament deth talent esportiu deth territòri.

Boni resultats en un scenàri de maxim nivèu

Es riders dera Val d’Aran an completat ua actuacion fòrça positiva, afrontant linhes exigentes e condicions de competicion fòrça tecniques, damb grana maduresa esportiva e fòrça capacitat d’adaptacion:

SKI MEN

5au posicion – Laurens Jaquet

10au posicion – Axel Dedieu

11au posicion – Hugo Solorzano

SNOWBOARD MEN

10au posicion – Martxelo Urriozola

SNOWBOARD WOMEN

5au posicion – Bruna Fàbrega

Eth programa de Tecnificacion Infantila ei possible gràcies as Clubs Aranesi e era coordinacion damb diuerses institucions e enterpreses deth territòri.

Des deth  Conselh Generau d’Aran  volem felicitar a ath aguesti esportistes d’eeit  per representar ara Val d’Aran en tot eth mon.

Tota era informacion de participacion Live Broadcast – Freeride Junior World Championships.

Viernes, 21 de gèr 2026