Era Val d’Aran presentada coma destinacion toristica nouetat ena 20au edicion dera International Russian Travel Market, OTDYKH 2014

Foment Torisme Val d’Aran amassa damb Baqueira Beret arrecebec un guerdon e siguec plaçada entà participar en naues edicions

Èxit categoric dera Val d’Aran ena Hèira de Tardor de torisme de luxe mès important de Russia

russian travel market

OTDYKH 2014, celebrada en Moscòu, e ena quau participèren mès de 1000 expositors procedenti de 67 païsi laguens des sues quate seccions LEISURE, LUXURY, MICE e SPA& HEALTH, acuelhec enguan er estand dera Val d’Aran ena seccion Luxury, a on èren representadi es païsi mès exòtics deth mon. entre es mès destacadi figuren Emirats Arabi, Qatar, isles Maurici, Malàisia, Maldives, Malta o Seichèlas.

Era Val d’Aran destaquèc per èster ua destinacion de nhèu ath miei des paradisi mès cercadi de solei e plaja.

Es chifres oficiaus proporcionades pera Organizacion deth Concors confirmen ua afluéncia de 68.000 visitants. Era assisténcia a OTDYKH LUXURY a estat possibla gràcies a un acòrd entre diuèrses empreses araneses: companhia receptora Fetiche by GUM, en otèls Santos Val de Neu, Himalaia Baqueira e Casa Irene Hotel Restaurant, estacion d’esquí Baqueira Beret, Foment Torisme Val d’Aran e Deputacion de Lhèida representada peth Patronat de Torisme Tèrres de Lhèida.

Er estand dera Val d’Aran aufric informacion sus es principaus nauetats e prepauses toristiques entara sason d’iuèrn 2014/2015 mejançant era projeccion d’audiovisuaus, atau coma era distribucion d’informacion tecnica sus Baqueira Beret coma estacion d’esquí, nauta gastronomia que tant caracterize era Val d’Aran, eth romanic de Val d’Aran, mercat indiscutiblaments peth marc païsatgistic eth qué s’enquadra: era impressionanta sarrada pirenenca.

Er estand dera Val d’Aran siguec visitat per mès de 5000 persones atrètes pes imatges deth territòri que se mostrauen e entà èster ua destinacion fòrça desconeishuda encara entath torista rus. Es agéncies que visitèren er estand s’interessèren pera vasta aufèrta qu’aufrís era Val d’Aran coma destinacion, coïncidiren qu’ei era melhora destinacion novetat, presentat en OTDYKH LUXURY enes dus darrèri ans.

Des dera Direccion dera hèira OTDYKH LEISURE LUXURY se placèc as representants der estand a desembarcar es naui projèctes heiraus per interès que desvelhèc eth territòri d’Aran entre es païsi der Èst.

russian travel market_1

Catbroadcast Publicitat, empresa impulsora dera agencia receptora Fetiche by GUM declarèc “ei un orgulh poder portar era Val d’Aran en Russia peth prumèr còp e èm convençudi qu’ajudarà a promòir eth territòri e eth hèt que sigue arreconeishut coma ua des destinacions de torisme de nhèu de naut estanding mès interessanti e er auge de tota Euròpa”.

Pera sua banda eth director de Tèrres de Lhèida, Jordi Blanch, reïterèc que “ara ei eth nòste moment entath torisme rus e de plan segur que non se confon pr’amor qu’era percepcion arrecuelhuda en OTDYKH, ei qu’es toristes russi cerquen d’autes destinacions estonantes coma era Val d’Aran eth considerar que fòrça lòcs qu’an ja visitat tenden a pèrder interès”.

Es directors des cadees otelères an coïncidit que “seguir en tot organizar en Russia eveniments d’aguest tipe mos aufrirà ua grana oportunitat entà mostrar era varietat e era qualitat des nòsti otèls, en un lòc a on era cultura, er art e era gastronomia aufrissen motius mès que de sobres entà vier”.

Es paraules dera conselhèra de Torisme, Comèrç e Consum d’Aran, Anna Díaz “pròperaments, agents interessadi mos visitaràn entà conéisher en plen iuèrn era aufèrta dera Val d’Aran e Baqueira-Beret, estacion d’esquí de referéncia en Estat Espanhòu, damb 153 km esquiables, entà poder atau crear ua bona estructura capabla de transméter ath torisme de Russia era realitat dera zòna coma destinacion toristica de prumèr orde pr’amor qu’ era Val d’Aran ei er unic lòc d’Espanha damb mès lhets de luxe per mètre quarrat”.

Comments are closed.