• En inici der incendi, trebalhèren en aguest servici un totau de 7 dotacions terrèstres de Pompièrs d’Aran e 5 dotacions terrèstres des Bombers dera Generalitat de Catalunya e participèc ena extincion er elicoptèr deth Conselh Generau d’Aran.
• Era part activa deth huec se trape en ua zòna contemplada laguens deth Plan Estrategic de gestion sostenibla de regim de huec dera Val d’Aran, impulsat peth Conselh Generau d’Aran, que balhe as Pompièrs d’Aran d’un esturment de fòrça utilitat entà actuar deuant des huecs.
Tàs 16:50 ores, Pompièrs Emergéncies rebie ena Sala de Contròl Aran (SCAran) er avís d’un huec forestau ena poblacion de Canejan. En inici der incendi, trebalhèren en aguest servici un totau de 7 dotacions terrèstres de Pompièrs d’Aran e 5 dotacions terrèstres des Bombers dera Generalitat de Catalunya e participèc ena extincion er elicoptèr deth Conselh Generau d’Aran.
Actuauments, er incendi trabalhe en dus flancs e era superfície afectada ei ath torn de 150 ha damb era afectacion a dues bòrdes. Cau destacar qu’era part activa deth huec se trape en ua zòna contemplada laguens deth Plan Estrategic de gestion sostenibla de regim de huec dera Val d’Aran, impulsat peth Conselh Generau d’Aran, que balhe as Pompièrs d’Aran d’un esturment de fòrça utilitat entà actuar deuant des huecs.
“Aguest Plan determine es zònes a on istoricament dejà auem auut incendis e tà on pensam que pòt auançar eth huec pr’amor deth cambi climatic e estudie coma gestionar aguest huec damb anterioritat a que se produsisque, ei a díder, que passam dera improvisacion o des accions de fortuna deuant un huec coma eth que s’a produsit en Canejan, a compdar dejà damb ues accions preplanificades per auança”, afirmaue era sindica d’Aran, Maria Vergés, que tanben a arregraït eth trebalh de totes es persones que trebalhen en aguest huec: Pompièrs d’Aran, Bombers dera Generalitat de Catalunya, unitats des EPAF (Equips de Prevencion Activa Forestau) e dues unitats GRAF (Grop d’Actuacions Forestaus) e Agents de Medi Ambient deth Conselh Generau d’Aran.
Ath long d’aguest maitin, Pompièrs d’Aran trabalhe en lòc damb 6 dotacions terrèstres entre es quaus i a dus camions d’aigua, 3 veïculs leugèrs, un veïcul de supòrt e un veïcul de comandament, e damb supòrt der elicoptèr deth Conselh Generau d’Aran e des Agents de Medi Ambient deth Conselh Generau d’Aran.
Es Bombers dera Generalitat balhen supòrt as prètzhèts d’extincion der incendi forestau de Canejan damb 5 dotacions entre es quaus i a un camion d’aigua, dues unitats des EPAF (Equips de Prevencion Activa Forestau) e dues unitatats GRAF (Grop d’Actuacions Forestaus) qu’apòrten tanben suport tàctic. Ei previst era incorporacion ath dispositiu d’extincion, un elicoptèr bombarder.
Vielha, 17 de març de 2023