Eth pròplèu dia 10 de mai, eth Conselh Generau d’Aran se some ara accion “Let’S Clean Europe”, ua accion comuna en tota Euròpa entà hèr préner consciéncia sus era quantitat de residus que lançam de forma incontrotlada ara natura e promòir era arremassada d’aguesti residus abocadi illegauments as bòsqui, marges des arrius …

Per açò, des deth Departament d’Agricultura, Ramaderia e Miei Naturau, s’a organizat damb era collaboracion dera Agència Catalana de Residus ua operacion de limpiesa populara enes marges der arriu Garona entà sensibilizar en tèmes miei ambientaus, e mès concrètaments, sus es problèmes des residus e dera neteja.

LET’S CLEAN EUROPE- VAL D’ARAN – Eth melhor residu ei aqueth que non se genère!

– Data: 10/05/2014
– Orari: de 10h a 13h
– Punt d’amassada: Conselh Generau d’Aran (Passèg dera Libertat 16. Vielha.)
– Inscripcions: En Conselh Generau d’Aran (973 64 18 01) o enviant un corrèu electronic a c.madruga@aran.org damb eth nòm, edat, mail e telefòn de contacte.

Toti es participants receberàn un obsèqui pera sua participacion.

Recomanacions entàs participants: Se recomane portar ròba e cauçat comòde (sabata barrada) e en foncion dera meteorologia, casqueta e crèma solara.