• Aguesta comission se realize cada an abans dera sason d’iuèrn entà per’mor de coordinar es accions ena N-230.
Aué deluns, dia 9 de noveme, s’a celebrat en Conselh Generau d’Aran era comission de viabilitat dera N-230 presidida peth sindic d’Aran, Carlos Barrera, e a on an assistit era conselhèra de Torisme e Desvolopament Economic d’Aran, Anna Díaz, eth baile de Vielha e Mijaran, Juan A. Serrano, eth baile de Bossòst, Amador Marqués, eth baile de Les, Emilio Medan, atau coma representants deth Ministèri de Foment e des còssi de seguretat e emergéncia des Mossos d’Esquadra e Pompièrs d’Aran.
Aguesta comission se realize cada an abans dera sason d’iuèrn entà per’mor de coordinar es accions ena N-230.
“Era Val d’Aran a de convíuer damb eth sector deth transpòrt, era N-230 ath sòn pas per Aran la transiten ua mieja de 400 camions diaris, mès açò non a d’èster un obstacle entà èster mès efectius e operatius ara ora de dar solucion as possibles afectacions coma conseqüéncia des nheuades e era sua incidéncia ena mobilitat interior dera Val d’Aran” a manifestat eth sindic d’Aran, Carlos Barrera.
Ena amassada de coordinacion deth 2014 se demanèc ath Ministerio de Fomento mielhorar era limpiesa dera N-230 en tram Vielha- Baish Aran. Eth Ministerio dejà a construït en Aubèrt un equipament entath dipòsit de sau qu’a de perméter eliminar era ora d’interropcion de limpiesa qu’ei eth temps que demorauen es camions en carregar eth sòn dipòsit de sau existent ena Boca Nòrd deth tunèl de Vielha e tornar a éster operatius en tram Vielha- Baish Aran.
Enguan, es compromisi deth Ministerio de Fomento an estat:
– Limpiesa d’arbes en tram dera N-230 (Parador de Vielha- Boca Nòrd tunèl de Vielha)
– Equipament d’un dipòsit de sau en Aubèrt que darà servici ara N-230 en Baish Aran (dejà construït e operatiu aguest iuèrn).
Eth Ministerio a demanat era colaboracion deth Conselh Generau d’Aran entà cercar ua zòna de parcatge entath transpòrt pesat propèra ara termièra damb França tà evitar colapses enes poblacions de Bossòst e Les.
Se mantíen es restriccions ena N-230 ath sòn pas pera Val d’Aran:
TRANSPÒRT MERCADERIES +7.500Kg. MMA
Diuendres (Sentit França)
Enquiath 27/03
Deth 04/12 ath 18/12
De 19:00 a 22:00 ores.
Dissabtes
Enquiath 28/03
Deth 05/12 ath 26/12
Der 11/07 ath 12/09
De 08:00 a 12:00 ores.
Dimenges e hèstius
Enquiath 29/03
Deth 06/12 ath 27/12
Deth 12/07 ath 06/09
De 16:00 a 20:00 ores
Setmana Santa e Constitucion:
Dijaus 02/04
De 19:00 a 20:00 ores Sentit Vielha
Diuendres 03/04
De 08:00 a 12:00 ores
Dimenge 05/04
De 16:00 a 20:00 ores
Deluns 06/04
De 16:00 a 20:00 ores
Dissabte 05/12
De 08:00 a 20:00 ores
Dimenge 13/09
De 16:00 a 20:00 ores