• Era ETEVA ei eth centre d’informacion e orientacion deth Procés.

• S’ètz interessadi en participar-i, vos podetz méter eth contacte.

• Eth termini finalize eth dia 10 de junh.

 

 

Acredita-te

Fòrça persones an aquerit es sues competéncies professionaus en lòc de trabalh, mejançant era practica, era experiéncia professionau e vies non formaus de formacion. Donques, son persones qu’an es competéncies, mès non era acreditacion oficiau. Aguest procediment permet as persones que i participen arténher ua certificacion que les pòt servir entà obtier un certificat de professionalitat, ua titolacion de formacion professionau o totes dues causes e facilite, d’aguesta manèra, era sua integracion laborau, era promocion professionau e era reconeishença sociau.

Es persones interessades en participar an de ramplir telematicaments era sollicitud de preinscripcion, abans deth 10 de junh, e presentar era documentacion justificativa des requisits e es merits allegats enes registres, preferiblement, des Servicis Territoriaus d’Ensenhament e/o deth Consòrci d’Educacion de Barcelona.

Abans d’iniciar eth tramit ei important obtier era informacion e era orientacion de besonh entà amiar-lo a tèrme corrèctaments. Enes punts d’informacion e orientacion generau vos pòden informar sus es fases deth procediment, es requisits d’accès, des drets e obligacions des candidats, e es acreditacions oficiaus que se pòden obtier. En aguesti punts tanben se pòt demanar ajuda entà formalizar era sollicitud e premanir eth curriculum europèu.

CONSELH GENERAU D’ARAN – ESCÒLA DE TECNICS ESPORTIUS VAL D’ARAN (ETEVA)

Ctra. Vielha, s/n; Ed. Aubèrja Era Garona, s/n

Salardú -Naut Aran (Barcelona)

Telefòn: 973 644 595

E-mail: n.perramon.eteva@aran.org

Encastres professionaus

Es encastres e es qualificacions professionaus convocades, atau coma eth numerò de places entà cadua, son es següents (entà mès informacion, consultatz era ficha de cada qualificacion):

• Biocides
  Gestion e aplicacion de productes e procèssi destinadi ath contròtle de plagues laguens des condicions de salut e seguretat.
  Servicis entath contròtle de plagues (65 persones)
  Gestion de servicis entath contròtle d’organismes nocius (75 persones)

 

• Condicionament fisic
  Programacion, direccion e dinamizacion d’activitats de condicionament fisic des dera promocion dera salut e eth benéster, damb usatge d’exercicis e tecniques coreografiques e elements pròpris d’ua sala d’entrenament polivalenta respectivaments.
  Condicionament fisic en sala d’entrenament polivalenta (60 persones)
  Condicionament fisic en grop damb supòrt musicau (60 persones)

 

• Dependéncia
  Atencion a persones depenentes en encastre sociosanitari, es institucions o era abitança, respectivaments, entà mantier e melhorar-ne era autonomia personau e era relacion damb er entorn.
  Atencion sociosanitària a persones depenentes ena abitança (300 places)
  Atencion sociosanitària a persones depenentes enes institucions sociaus (650 places)

 

• Fitnes aquatic
  Programacion, direccion e dinamizacion d’activitats de fitnes en entorn aquatic e aplicacion de protocòus de idrocinésia.
  Fitnes Aquatic e idrocinésia (100 persones)

 

• Gas
  Montatge d’installacions e aparelhs de gas en bastisses.
  Montatge, metuda en servici, mantenença, inspeccion e revision d’installacions receptores e aparelhs de gas (70 persones)

 

• Guida en medi naturau
  Guiatge de persones en activitats esportiues e recreatiues en medi naturau e de torisme actiu e de temps liure, e organizacion d’itineraris, damb er usatge de biciclèta o a shivau, respectivaments.
  Guida per itineraris en biciclèta (25 persones)
  Guida per itineraris eqüestres en medi naturau (25 persones)

 

• Igualtat de genre
  Promocion dera igualtat de genre en projèctes d’intervencion sociau; creacion e mantenença de hilats e execucion d’accions de sensibilizacion e formacion.
  Promocion entara igualtat efectiva de hemnes e òmes (50 persones)

 

• Installacions electriques
  Montatge d’installacions d’electricitat en bastisses.
  Montatge e mantenença d’installacions electriques de baisha tension (70 persones)

 

• Instruccion de gossets d’assisténcia
  Seleccion e ensinistrament de gossets d’assisténcia entà persones damb discapacitat.
  Instruccion de gossets d’assisténcia (10 persones)

 

• Ioga
  Programacion, direccion e dinamizacion d’activitats d’instruccion en ioga laguens de condicions de seguretat.
  Instruccion en ioga (50 persones)

 

• Socorrisme
  Prevencion d’accidents e vigilància en entorn aquatic a piscines e installacions aquatiques.
  Socorrisme en installacions aquatiques (340 persones)

 

• Traslat sanitari
  Mantenença e contròtle dera dotacion materiau deth veïcul, atencion sanitària basica e traslat deth pacient ath centre sanitari.
  Traslat sanitari (300 persones)