Es preinscripcions entath PFI-Plan de Transicion ath Trabalh dera Val d’Aran se dauriràn deth 14 ath 25 de mai de 2018 (ambdús includidi).

Eth Programa de formacion e insercion deth PTT Val d’Aran s’adrece a joeni entre 16 e 21 ans que non an eth títol deth graduat escolar, mès qu’an volontat de formar-se en bèra profession, entrar en mon laborau o aumentar es possibilitats de contunhar era formacion professionau damb un grad mejan.

Eth perfil deth PFI-Plan de Transicion ath Trabalh dera Val d’Aran ei d’Auxiliar en ventes, Burèu e atencion ath public, en qué s’aufrís formacion professionau en encastre deth comèrç, atencion ath client, empaquetat, magasèm, ofimatica e tecniques administratiues basiques, entre d’auti, pr’amor qu’es joens poguen aplicà’c e contunhar en tot apréner a trauès des practiques ena enterpresa.

Ath delà d’aguesta formacion especifica, es gojats e gojates an era oportunitat de meter-se ath dia damb contenguts basics coma es matematiques, es lengües e era coneishença der entorn, que les permeteràn obtier facilitats entà aprovar era pròva d’accès a Cicles Formatius de Grad Mejan, en cas de voler contunhar era formacion professionau.

Era durada ei era d’un cors escolar (1.000 ores).

Entà obtier mès informacion e formalizar es preinscripcions vos podetz adreçar a: Escòla de Ostalaria de Les Val d’Aran o trucar ath telefòn 973 64 72 42 e demanar peth Tutor de PTT.