Proclamadi es pòdis dera Copa CEGVA, inici dera Liga Catalana de Patinatge Artistic sus gèu 2015-16

I participauen 20 patinadors e patinadores deth CEGVA, 19 deth FC Barcelona e 13 deth CEPAP.

copa cegva

 

Eth Palai de Gèu de Vielha acuelhec, es passadi 7 e 8 de noveme, era Copa CEGVA de patinatge artistic sus gèu, prumèra pròva puntuable dera Liga Catalana de Patinatge Artistic sus gèu 2015-2016, circuit qu’includís ath delà era Copa Puigcerdà, era Copa Canillo e era Copa Internacionau Ciutat de Barcelona.

Organizada peth Club Espòrts de Gèu Val d’Aran (CEGVA) e era Federacion Catalana d’Espòrts d’Iuèrn (FCEH), era competicion amassèc un totau de 70 patinadors e patinadores apertenentes as clubs catalans CEGVA, FC Barcelona, e CEPAP e ath club andorran ACG.

En Advanced Novice Femenin, era campiona siguec Ingrid Riera deth FCB, seguida d’Anna Bertran deth CEPAP e de Mónica Carratalà deth FCB. En Masculin, eth pode siguec entàs patinadors blaugranes Joan Farrés (1èr) e Arnau Joly (2au).

En Aleví Femenin, Annika Huestis deth FCB se portèc era 1a posicion, seguida dera sua companha de club Meritxell Mollà e dera aranesa, Anne Ripa deth CEGVA. En Masculin, eth campion en solitari siguec er aranés, Martí Alonso deth CEGVA.

En Basic Novice B Femenina, eth pòdi siguec blaugrana damb Erika Riera (1a), Fanny María Aranda (2a) e Anna Royo (3a). En Masculin, eth pòdi siguec deth CEPAP damb Eric Alis (1èr) e Jan Vilella (2au).

En Benjamí Femenin, es araneses deth CEGVA, Irene Aris e Nora Olivella demorèren 1a e 2a e Gabriela Orsoni deth CEPAP 3a.

En Cadet Femenin, era campiona eth solitari siguec Maria Medina deth CEPAP, deth temps qu’en Debs A Femenin, eth 1èr e 2au lòc deth pòdi siguec entà dues patinadores andorranes, Inés Caubet e Ione Cummins. Eth tresau lòc l’aucupèc era patinadora aranesa deth CEGVA, Naia España.

En Debs Femenin, tot eth pòdi siguec blaugrana dera man de Júlia Rodríguez (1a), Alexandra Martínez (2a) e Berta Guinovart (3a).

En Debutant Femenin, era campiona siguec Mariona Carpio deth CEPAP, seguida d’Ainara Zazo der ACG e de Judit Capaces deth CEPAP. En Masculin, Pau Vilella deth CEPAP se portèc era 1a posicion seguida der aranés deth CEGVA, Telmo Ripa.

Ena Escòla Femenin, era guanhadora siguec era andorrana Emma Hidalgo, seguida dera patinadora deth CEPAP Laia Puntí e era andorrana Ariadna López. En Masculin, trionf deth patinador andorran Raul García der ACG, seguit der aranés, Daniel Odriozola deth CEGVA.

En Infantil A Femenin, era aranesa Ana Masip deth CEGVA se portèc era 1a posicion, seguida des patinadores andorranes Angela Camp e Catherine Capdevila.

En Júnior ISU Femenin, Laia Bertran deth CEPAP guanhèc, seguida dera andorrana Tania Margarido. En Masculin, er aranés deth CEGVA, Alexandru Ilici siguec eth campion en solitari.

Fin finau, en Júnior Sènior A Femenin, era guanhadora en solitari siguec Ona Fernández deth CEPAP.

Comments are closed.