S’aprove era naua Ordenança reguladora dera recuelhuda de misharnons enes MUPs dera Val d’Aran

sindic_full

«Eth govèrn deth Conselh Generau considère qu’ei de besonh establir ua regulacion uniforme e generau deth profitament forestau micologic enes MUP qu’a de perméter incrementar era proteccion deth patrimòni forestau aranés, damb era fin d’establir es mesures de besonh entà perméter qu’era activitat dera remassada de misharnons contunhue exercint-se de manèra sostenibla e sense qu’arribe a comprometre era sostenibilitat der ecosistèma des zònes mès propícies entara preséncia des misharnons” en paraules deth sindic d’Aran, Carlos Barrera.

Eth Plen deth Conselh Generau d’Aran a aprovat eth padron crubatòri dera taxa deth servici de recuelhuda domiciliària de lordères e eth sòn tractament entar exercici 2014.

Atau, er impòrt finau deth padron de lordères corresponent ar exercici 2014 puge a un totau d’un milion quate cents setze mil quate cents cinquanta quate èuros damb onze centims (1.416.454,11 €), era quau causa supause un increment definitiu de 9.467,36 € (0,67 %) respècte era aprobacion iniciau d’aguest padron e, de 43.942,46 € respècte eth padron finau der exercici 2013, en tot supausar un increment totau deth 3,10 %.

Distribuïdi dera manèra següenta:

MUNICIPI IMPÒRT ÈUROS 2014 IMPÒRT ÈUROS 2013

Arres 5.560,63 € 5.569,64 €

Bausen 6.359,08 € 6.265,32 €

Bossòst 105.972,63 € 101.463,49 €

Canejan 8.525,77 € 8.399,54 €

Es Bòrdes 24.963,16 € 25.602,46 €

Les 69.108,98 € 67.984,31 €

Naut Aran 532.314,72 € 508.456,54 €

Vielha-Mijaran 648.940,76 € 634.370,97 €

Vilamòs 14.708,38 € 14.399,38 €

TOTAU ÈUROS 1.416.454,11 € 1.372.511,65 €

Tanben s’a aprovat damb eth vòt favorable de CDA-PNA, e es vòts en contra d’UA-PM-PSC e deth PRAG, eth Plec de clausules administratives particulares e es Plecs de prescripcions tecniques particulares qu’an de regir eth contracte mixt de “Gestion integrau dera remassada e evacuacion de residus dera Val d’Aran”.

Vista era prepausa deth servici de 10 de hereuèr de 2014 conselhèr d’Empresa, Trebalh e Territòri deth Conselh Generau d’Aran, Eduardo Valdecantos, ena quau se da compde deth besonh de balhar eth contracte mixt entara “Gestion integrau dera remassada e evacuacion de residus dera Val d’Aran” pes motius següents:

1. Eth Conselh Generau d’Aran a delegada des ajuntaments dera Val d’Aran era competéncia dera recuelhuda domiciliària de residus, eth sòn tractament e era sua posteriora eliminacion.

2. Eth Conselh Generau d’Aran, en aguesti moments, transpòrte es sòns residus dera Val d’Aran tath tarcumèr de Tremp pera quau causa entara mielhor gestion e estauvi, a de besonh era reforma e shamplit dera planta de transferéncia plaçada ena boca nòrd deth Túnel de Vielha.

3. Ath delà, se pretèn ua mielhor gestion deth servici e ua optimizacion dera remassada de lordères en tot garantir ua adequada separacion des fraccions entà minimizar er impacte ambientau que generen es residus e obtíer era maxima eficiéncia economica qu’aguesti generen.

Eth Projècte basic de reforma e shamplit dera planta de recepcion e transferéncia de residus dera Val d’Aran, s’a aprovat damb eth vòt favorable de CDA-PNA, e eth vòt en contra d’UA-PM-PSC e era abstencion deth PRAG.

Aguest projècte a estat redactat pera empresa Disseny i Sostenibilitat SL, eth pressupòst d’execucion per contracte deth quau puge a un milion tres cents quate mil quate cents cinquanta èuros damb noranta nau centims (1.304.450,99 €), IVA includit, atau coma es sues mielhores, redactades pera empresa Disseny i Sostenibilitat SL, eth pressupòst d’execucion per contracte des quaus puge a cent trenta sies mil nau èuros damb ueitanta centims (136.009,80 €), IVA includit.

Eth Plen tanben a provat per unanimitat era acceptacion dera delegacion ath Conselh Generau d’Aran dera competéncia entara gestion deth profitament forestau micologic enes montes d’utilitat publica (MUP) proprietat des entitats municipaus descentralizades e ajuntaments dera Val d’Aran.

Carlos Barrera, sindic d’Aran a manifestat qu’ei “damb era fin d’establir es mesures de besonh entà perméter qu’era activitat dera remassada de misharnons contunhue exercint-se de manèra sostenibla e sense qu’arribe a comprometre era sostenibilitat der ecosistèma des zònes mès propícies entara preséncia des misharnons.”

Tanben s’a aprovat era Ordenança reguladora dera recuelhuda de misharnons enes MUPs dera Val d’Aran.

“Eth govèrn deth Conselh Generau considère qu’ei de besonh establir ua regulacion uniforme e generau deth profitament forestau micologic enes MUP qu’a de perméter incrementar era proteccion deth patrimòni forestau aranés, damb era fin d’establir es mesures de besonh entà perméter qu’era activitat dera remassada de misharnons contunhue exercint-se de manèra sostenibla e sense qu’arribe a comprometre era sostenibilitat der ecosistèma des zònes mès propícies entara preséncia des misharnons” en paraules deth sindic d’Aran, Carlos Barrera.

Per unanimitat de toti es grops s’a aprovat declarar e catalogar eth ben immòble glèisa de Sant Fabian e Sant Sebastian d’Arres, proprietat deth Bisbat d’Urgell, coma ben culturau d’interès locau.

Comments are closed.